2009年12月15日星期二

O曬嘴!

今日有同事提議聖誕節再玩交換禮物,我第一個反應係︰吓!唔好啦掛!但這位同事咬住唔放︰玩啦,最多今次唔買$50的東西,買$20的。我失笑並附上一更大聲的︰吓!我望下其他同事,好似無聽見剛才的對白一樣,木無表情,於是我知大勢已定︰唔反對即是同意(我們的地方文化)。

午飯時,我向其他同事轉告聖誕節交換禮物的提議,當我說出禮物價格是$20時,一男同事「吓」得仲大聲,如果唔係隔離有車經過,肯定方圓唔知幾多......米都聽見。然後有人強烈要求加碼,經過我們一行今日有緣共聚午膳的五人商議,決定順應部分民意,加碼到$25-30,睇你死未!大事決定了,我加多樣提議︰不如果日交換完禮物後,我哋玩鋤弟呀?
點知一同事驚呼︰乜你講嘢咁粗老架?
我O曬︰吓!唔講得架?
同事︰女同事應斯文啲,講玩啤牌或者鋤大弟。
我O曬嘴!無從考證,好無奈。

仍是在行去那間茶餐廳途中,我話果間茶餐廳啲食物都幾好味,不過我宜家唔想飲咁多咖啡奶茶喇,一同事跟口說︰你可以飲湯架。我話︰我係想飲湯,但果間店嘅湯有樣唔好,餐餐都係煲合掌瓜。另一同事接口︰嘩,我哋都唔係成日去果間呀,咁你都留意到佢哋餐餐煲合掌瓜?

入到餐廳坐下,我問侍應︰今日咩湯呀?侍應︰合掌瓜煲豬展。全部掩嘴偷笑,我就一臉洋洋得意,侍應就滿臉疑惑。

4 則留言:

笑談風月 說...

$25-30,可以買咩!傷腦筋。鋤弟跟鋤大弟有甚麽分別,真的要O嘴。還有不要喝太多老火湯,是痛風症源頭。

Coffee n Tea 說...

風月︰都係貪個「玩」字,今日有人出埋Memo,加設最具心思大獎等等...

原來老火湯好飲但無乜益架,好彩我少飲。

嚴明 說...

"鋤弟" 粗,“鋤大弟” ok, 有趣,是甚麽設定. 今時今日,只花幾十塊買禮物,大概都只能買點吃的。不過,就當是節目吧。記得最後一次玩交換禮物,我還是喜歡自己買的那份:P

Coffee n Tea 說...

嚴明︰其實那同事亦說不出個所以然咯。

幾十元可去文具店買些精品類,記得以前有一次玩交換禮物,有六罐可樂的、有一包米的,抽到的人想打人!
我都是很多時喜歡自己買的那份。

Related Posts Plugin for WordPress, Blogger...