偶而為之

晚飯後好眼瞓，未沖涼，唔理，換衫上床睡一覺先算。瞓到大約十一點，開始有些醒了，要瞓的話完全可以繼續沉睡，但心思清晰︰未沖涼、未洗面、未刷牙...諗到咁多嘢，可以繼續瞓至奇！老老實實乖乖起來，要做的始終要做。

近日新試，一邊沖涼一邊洗臉，冬天這方法唔錯，不過竟然如今才發覺，笨！
辦妥曬，人也極清醒了，想起整個星期無畫畫，因為將時間貢獻給電影，明晚上堂，老師見到我的功課畫時，唔知會點呢？

思想仍在游雲中，近日，常有個畫面總是揮之不去，一諗到就想笑︰

「同志們好！」
「主席好！」

「同志們，辛苦了！」
「主席更辛苦！」

「同志們，曬黑了！」
「主席曬得更黑！」

聽著都覺別扭，怎樣就字正腔圓地喊得一點也不覺得難為情？？