失魂

我的失魂絕不是浪得虛名的，今日係第三次放工唔記得帶手機走，快回到家想打電話才發覺，遇著今次是週末，明日二個約都約在明日再聯絡，幸得一同事開會遲走並仗義相助，幫手拎到地鐡站。衷心感謝！

感恩之時，過去的失魂事一一浮現︰

1. 十年前去深圳，過關時發現無帶身份證。

2. 九年前，放假日我唔記得去褓姆車站接言兒下車，而我人在區外，褓姆車要送其他小朋友去另一區，唔等得，幸得上天看顧，咁啱一友人揸車去了果區，及時接回言兒。

3. 唔記得年期，當時一同事(澳門人)請我去澳門玩，又係無帶一樣過唔到關的嘢(忘記是甚麼)。

4. 由使用手機至今，一部被海水濺溼(報廢)，一部放入洗衣機洗(竟然生還)，一部跌入沖廁馬桶(即死)。

5. 認方向認地方白痴，有太多次搭錯車的經驗，最經典一次搞到上班遲到二小時，仲有一次超趕急要在將軍澳開會，我在油塘轉車去咗北角。

6. 在東京旅行時，忘記時差，要團友等了足足一小時。

7. 幾年前在舊機構時，某年初四一早趕去接更，同事一臉驚訝︰你初五才返工喎！

.....

好眼瞓，再說吧！(12/12/09  晨1:30)