頭痛發作

因有同事常常唸掛好x酒樓的脆皮炸大腸，又有未食過的新同事早就垂涎三尺。我雖不喜歡「飲茶」這種飲食文化，但又未有性格到可做孤獨村，及雖是金牛座的，但生活上大部分情況下都是很易話為的，不執著，「跟大隊」是本人一貫的做人方針，所以今日午飯時間，七、八個同事一齊去好x飲茶。

早到的同事開定茶位、叫定嘢食，人到齊時正好開始上食物。但今次的點心各樣一定是失色了，無乜聽到有誰在讚甚麼好食，而脆皮炸大腸的評語是︰無咁脆嘅！唔脆嘅！我是不願置評的，本人對食物要求不高，肚餓時大部分食物都食。正如天要下雨，娘要嫁人一樣，到時到候自然要進食。

不過今日餐茶飲到我頭痛！

食到尾聲二點時，有同事話︰下午茶時間喎，叫唔叫甜品呀？個個話好，我們叫咗芒果布甸、芒果pancake、楊枝甘露、蕃薯糖水、紅豆沙等等，但等咗好耐咯，中途又話呢樣無果樣無，然後等我哋想搵人問時，又望穿秋水都見唔到個職員，好不容易見到個時，又是「時運高」的，「我睇你唔到！我睇係唔到！」。我這個金牛座，原來可以很「牛」的，才說著易話為呢！那刻遠遠一見類似部長的身影，我即站起來招手，然後保持笑容問︰唔該，請問我哋啲紅豆沙煲好未呢？部長當然是不省油的燈，笑答︰啱啱煲好！啱啱煲好！
......
之後等埋單又等了一大輪，我的頭開始隱隱作痛。

Time is my life, you are killing my time, that means you are killing me. I can't do anything but waiting,waiting...
Sitting there for seeing me be killed !