2012年7月2日星期一

願賭服輸

昨天 R 問歐國盃決賽我買邊隊贏,我問 R 撐邊隊, R 說讓我講先。我邊識呀,以往就算睇波都是冠亞之爭時睇熱鬧居多,但隱約記得之前聽見 R 跟同學講電話時好似話支持意大利喎,於是我說我撐意大利。 R 笑笑口說好,那他就買西班牙贏,講好輸的嗰個請對方食朱古力。

我雖然不像 R 長期觀看國際級足球賽,但開波十多分鐘後,不是自誇,我已看出些名堂,說西班牙傳球組織得很好,攻勢強, R 在邊上答,當然啦,西班牙的組織能力是超強的,仲有西班牙有世界一級嘅門神。西班牙未入球前我已開始轉態支持西班牙隊,就差沒有搖旗吶喊。 R 不依,不許我支持西班牙,說我明明是撐意大利架。我說之前你問我時,我完全唔知兩隊的情況,而家好明顯西班牙踢得好喎, R 說不行,要有體育精神。我於是說如果意大利輸了,我照請你食朱古力,但而家觀賽我嘅情緒偏向為西班牙叫陣,這總得了吧,如果唔係我會好眼瞓架。 R 不置可否,我心想有必要咁認真麼!

在西班牙四比零大勝後,我問 R 明明聽見你跟同學在電話講支持意大利架,但看得出你鍾意西班牙隊多喎。 R 笑說,佢在電話該是重複卓希的說話,因為卓希一路支持意大利的。我方知自己會錯了意,哈哈!好,好,願賭服輸!

今天 R 說很想食甜品,我同意將朱古力改為甜品。

這是 R 點的



這是我點的



食杯上雪糕時突然有硬物撞牙,幸好我當時只是輕輕咬落,吐出一看,倒抽一口氣,原來是一塊玻璃碎!!



負責職員很禮貌的誠懇道歉,即刻要為我更換另一杯,因為有陰影,我改點了以下一款甜品,然後負責職員說唔好意思,今日我們點的甜品全部免費。



在職員送來新那份甜品時,還帶來了下面一盒布甸,說是送給我們帶走的。


凡事難免有錯,自己雖然不幸地遇上了,但人家已努力補救善後!R 打趣說我終歸是免費請吃了甜品哦!我嘛,嘿嘿~

  

4 則留言:

卡臣 說...

有玻璃?幾疏忽喎!

Coffee 說...

卡臣︰

係呀!我食嘢慢及因為雪糕凍用很細力咬,如果換了大力咬落的話,咬碎玻璃,可能會受傷。

DeepC 說...

你可以跟R講, 要變節! 買多注西班牙! ^^

當買中左啦, 最後真有得吃免費甜品嘛.
不過吃到玻璃就嚇人啲, 相信是無心之失.

Coffee 說...

DeepC︰

佢嘅遊戲規則係我哋要對立的,不可支持同一隊:P

食了免費甜品,都唔知好事定唔好事!

Related Posts Plugin for WordPress, Blogger...