唔知大家有冇坐過呢種觀光巴士？我呢，在昨天之前是未坐過的，未坐過前，每次見到呢類觀光巴士，心入邊都總會冒出呢句︰我未坐過！看著坐在車頂的遊人，油然而生出羨慕之情，有點像鬧市中的過山車一樣，心底便想著哪天我也要坐在車頂上兜一轉。
昨天在中環碼頭下船後，忽然見旁邊停泊著一架觀光巴士，一打探，原來乘坐一程盛惠 $ 17.x ，頓時小孩子般興高采烈起來，也不理車子開往哪兒，招一招手，將同行朋友一同召喚上車，奔上車頂一人一個車邊位坐下，吱吱喳喳好不興奮。
車子開動了，喔，車速下起了頗勁的風，頭髮吹亂，眼睛睜不開，只穿一件短袖衫覺得有點冷，多年來我一直引首以望，心想必充滿快樂遊意的開篷巴士，此刻並沒有讓我有遊人觀光的感覺，反而是為你我受冷風吹了！半瞇眼睛看高樓大廈由身前旋轉到身後，心想這一圈車程啥時候才轉完呀！
下車後披頭散髮臉色青白立在車子旁照了一張相
16 則留言:
好難得坐車吹風, 現在的車都是密封的. 那究竟妳有沒有留意行走路線, 經過哪些地方?
坐這巴士會好驚，驚飛出街，怕怕！
阿路︰
有呀，好白痴嘅路線，由碼頭出發先經 IFC ，然後金紫荊廣場，灣仔，金鐘，跑馬地等等咯，其中有段跟住23號巴士，我以前曾日日搭的。
校長︰
被風吹到傻，不過叫做坐過咯。
戴假髮的人唔坐得，一定將佢的假髮吹走。
看來要選啱天氣才合坐. ^^
如天氣不熱應該好舒服
應該上山頂至夠刺激！
N年前坐過呢種冇頂巴士夜晚去老尖報佳音，幾爽下架^^
DeepC︰
可能我特別不喜歡吹風罷！
卡臣︰
坐前啲有玻璃擋風會好啲。
佛爺︰
呢種車如果上山頂就真係刺激喇！
Eben︰
如果開慢啲我諗我會喜歡。
哈哈，我坐過，不過喺倫敦！如果喺香港坐，我驚會俾人以為係自由行，隨時會有免費（臭）雞蛋同（爛）番茄招待囉！
Arm︰
咁詩情畫意嘅觀光巴士你都可聯想到臭雞蛋爛蕃茄，真係要捉你去洗下腦。
我講嘅係實情，總之千祈咪俾人誤會你係自由行囉，否則隨時會試到做過街老鼠嘅滋味！講真，邊有本土香港人會坐嗰啲遊客巴士架，哈哈！
咩呀！有冇搞錯呀，坐觀光巴士都被歧視，嗱，分化就係你有份攪出嚟嘅，仲哈，哈咩哈，哼！
發佈留言