2012年5月7日星期一

終於坐上了觀光巴士

唔知大家有冇坐過呢種觀光巴士?我呢,在昨天之前是未坐過的,未坐過前,每次見到呢類觀光巴士,心入邊都總會冒出呢句︰我未坐過!看著坐在車頂的遊人,油然而生出羨慕之情,有點像鬧市中的過山車一樣,心底便想著哪天我也要坐在車頂上兜一轉。

昨天在中環碼頭下船後,忽然見旁邊停泊著一架觀光巴士,一打探,原來乘坐一程盛惠 $ 17.x ,頓時小孩子般興高采烈起來,也不理車子開往哪兒,招一招手,將同行朋友一同召喚上車,奔上車頂一人一個車邊位坐下,吱吱喳喳好不興奮。

車子開動了,喔,車速下起了頗勁的風,頭髮吹亂,眼睛睜不開,只穿一件短袖衫覺得有點冷,多年來我一直引首以望,心想必充滿快樂遊意的開篷巴士,此刻並沒有讓我有遊人觀光的感覺,反而是為你我受冷風吹了!半瞇眼睛看高樓大廈由身前旋轉到身後,心想這一圈車程啥時候才轉完呀!


下車後披頭散髮臉色青白立在車子旁照了一張相


16 則留言:

路漫漫其修遠兮 說...

好難得坐車吹風, 現在的車都是密封的. 那究竟妳有沒有留意行走路線, 經過哪些地方?

laulong 說...

坐這巴士會好驚,驚飛出街,怕怕!

Coffee 說...

阿路︰

有呀,好白痴嘅路線,由碼頭出發先經 IFC ,然後金紫荊廣場,灣仔,金鐘,跑馬地等等咯,其中有段跟住23號巴士,我以前曾日日搭的。

Coffee 說...

校長︰

被風吹到傻,不過叫做坐過咯。

戴假髮的人唔坐得,一定將佢的假髮吹走。

DeepC 說...

看來要選啱天氣才合坐. ^^

卡臣 說...

如天氣不熱應該好舒服

佛爺 說...

應該上山頂至夠刺激!

Ebenezer 說...

N年前坐過呢種冇頂巴士夜晚去老尖報佳音,幾爽下架^^

Coffee 說...

DeepC︰

可能我特別不喜歡吹風罷!

Coffee 說...

卡臣︰

坐前啲有玻璃擋風會好啲。

Coffee 說...

佛爺︰

呢種車如果上山頂就真係刺激喇!

Coffee 說...

Eben︰

如果開慢啲我諗我會喜歡。

Armadillo 說...

哈哈,我坐過,不過喺倫敦!如果喺香港坐,我驚會俾人以為係自由行,隨時會有免費(臭)雞蛋同(爛)番茄招待囉!

Coffee 說...

Arm︰

咁詩情畫意嘅觀光巴士你都可聯想到臭雞蛋爛蕃茄,真係要捉你去洗下腦。

Armadillo 說...

我講嘅係實情,總之千祈咪俾人誤會你係自由行囉,否則隨時會試到做過街老鼠嘅滋味!講真,邊有本土香港人會坐嗰啲遊客巴士架,哈哈!

Coffee 說...

咩呀!有冇搞錯呀,坐觀光巴士都被歧視,嗱,分化就係你有份攪出嚟嘅,仲哈,哈咩哈,哼!

Related Posts Plugin for WordPress, Blogger...