2012年4月12日星期四

一物治一物之鹹柑桔

可能在內地時吃了胡椒豬肚雞煲,加上熱騰騰嘅煲仔飯焦 ( 大愛 ),還有無辣不歡的我食辣時去到盡,當時已覺得喉嚨唔舒服,回來那天睡到半夜醒來,發覺喉嚨吞口水都痛,心想死得!每次喉嚨火燒咁痛,一定發燒發病。本想吞服家中成藥,突然記起陳年鹹柑桔下火,但印象中好似食完了,只剩一盛著些鹽水的樽。唔理啦,鹽水都沖啲嚟飲。即刻起身開雪櫃搵,係一堆玻璃樽中摷了那樽鹹柑桔出嚟,搖一搖看,幸好,還有二粒。第一粒就咁拮爛用熱水沖嚟飲,嘩,唔係講笑,馬上舒緩不少,吞口水喉嚨唔痛了;第二粒起床後再整爛用熱水開,待水轉溫後,我加了些蜜糖一起飲,該是很有些效吧,總之第二日返工喉嚨已幾乎全不痛了。

我打電話俾 P ,想叫佢幫我搵柑桔嚟浸,P 話要過年後才有,不如她在家拿一樽給我頂住先,瑜知道後,亦話要拿一樽給我,還說她那樽有近十年了,一定比 P 那樽浸得時間耐。昨晚一人拎了一樽嚟俾我,其中瑜那大半樽,據她估算,有近十年了,而 P 那樽也有四、五年罷。在太興用膳後,我說辛苦二人專登拎樽鹹柑桔嚟俾我,哩餐我嘅。點知瑜趁我不留意,一手將我手上張單搶了去。

我上世一定做過點好事吧,否則今世如何得二位待我如此好的朋友!

12 則留言:

五珍 說...

鹹柑桔的功效真的這麼好啊,我想是對初起癥狀較有功效吧?

Coffee 說...

五珍︰

因為我好明顯係食熱氣嘢,食辣嘢食出事的,又即刻飲落,所以有效。

DeepC 說...

有真朋友是福氣! :)

卡臣 說...

人生有個真正朋友的確好極

l.minor 說...

我都係啱啱先知鹹柑桔可以醫喉嚨痛

尹思騰Instant 說...

我已經好多次喉痛然後發病,現在才知道鹹柑桔...

韻味熊貓 說...

咳起上來,西藥和成藥通常也無效!

Coffee 說...

DeepC︰

係呀!以為一起玩慣了唔覺,但仍很感動!

Coffee 說...

卡臣︰

好朋友難得呀!

Coffee 說...

minor︰

咁你家中有冇浸定一些,冇就來年過年後浸咯,浸得越耐越有效。

Coffee 說...

思騰︰

放樽係屋企看門口,浸得越耐越好,有人浸了二、三十年的,喉嚨痛初起時飲下最好。

Coffee 說...

佛爺︰

你接受西方教育,受唔受呢套哩?如果唔係,來年過年後,摘定一堆年桔自己浸,我就打算咁做喇!

Related Posts Plugin for WordPress, Blogger...