2011年11月16日星期三

問路

聽過不少讓人發笑的對話,但這些對話通常經不起轉述的。假如事後閒來無事,自己回想起來,仍然能會心一笑,這一笑如有友人看見了,追問起來,真不知說不說好。不說吧,友人自然不放過,說吧,心知自己覺得好笑的不是人人覺得好笑,弄不好,來一句︰有什麼好笑!又或者對方陪上皮笑肉不笑,頓然索然無味極了。所以很多好笑的題材,是在於笑的人當時心領神會。如果邊上有人聽不出好笑之處,需要別人詮釋一番,那真是無聊透的,再不好笑。

上環某街道旁有一間只容下二張小圓枱的食店,前二天因工作關係,在那食了二日早餐。小食店應該主力做外賣生意,因為早餐時段中間排了一條外賣長龍,多為白領。邊上二張小圓枱散坐了些街坊熟客吧,和老闆老闆娘拉扯著閒話,除此之外,還有送貨來食店的,有在旁邊其他店鋪工作的,小食店看上去有種穿堂過戶般的熱鬧氣氛。

泊車聲過後,阿成進來問︰去上環文娛中心點去呀?人哋問我。
收銀機後的老闆︰你唔識去咩?上環文娛中心。
阿成︰我驚我話錯俾人吖嘛,所以入來問清楚啲。
(下省一百幾十字解釋點去). . . . . .

阿成再入來,甫在其中一張小圓枱坐下,已坐在小圓枱的一位街坊男食客即追問︰教咗人點去了?
阿成︰教咗啦!
男食客︰帶人哋過去吖嘛!
阿成︰唔使啦,我指佢街口左轉,街市上面嗰座白色的。
男食客︰阿成,幫人幫到底吖嘛!
片刻沉默後,阿成︰上環文娛中心唔係右手邊紅色嗰座咩?
老闆︰紅色嗰邊係西港城,你唔係咁都唔識呀!
阿成︰唔係,問清楚啲,我驚教錯人哋啫。
男食客︰都話叫你帶人哋上到去架啦!
一直沒有出過聲的掌廚老闆娘,帶著笑聲開腔了︰揸架車送人過去吖嘛!
男食客︰靚唔靚?後唔後生架?
阿成有些木訥地說︰唔後生架喇!不過都風韻猶存嘅!

聽到這裡,我和我這張小圓枱的一位OL都忍俊不禁了。平常一次問路,竟平白就生出這艷麗的口舌事端,假使時間許可坐多幾刻鐘,中間多少千迴百轉,說不定阿成同問路的風韻猶存連仔都生下了。

 

14 則留言:

卡臣 說...

幫人幫到㡳,送佛送到西嘛

Coffee 說...

我感覺到佢哋一份很市井的街坊情。

Ebenezer 說...

忍俊不禁果位OL,就係妳!

Coffee 說...

嗰位OL同我一齊笑烏!

攞你命三千 說...

係我的話一定帶埋人地過去

laulong 說...

這就是生活之趣 :)

Coffee 說...

三千︰
哈哈!我又唔係好信喎:P

Coffee 說...

校長︰
最啜核食店內見唔到問路人,但都認為是女的:P

攞你命三千 說...

話唔定文娛中心有另一個美女等緊自己帶去個個人呢~

SKII 說...

我成日在上環吃午飯,未聽過呀!好彩我唔會問路咋!

佛爺 說...

上環都有文娛?表演乜?打大赤膊?嘻嘻!

Coffee 說...

三千︰
天涯處處有芳草:)

Coffee 說...

SKII︰
未聽過上環文娛中心!
記得你係被人問路那個:)

Coffee 說...

佛爺︰
很多劇團常在上環文娛中心上演話劇。

Related Posts Plugin for WordPress, Blogger...