2011年11月9日星期三

殃及池魚

每到夏天,總有蟑螂在廚房出沒,情況不嚴重,通常在幾條假設的蟑螂出沒要道設置蟑螂屋,再加上一支追殺蟑螂的噴霧裝置,便基本上難見到蟑螂的蹤影了。關於這現象,我想過蟑螂可能對人類的行為是有一定知覺的,幾個蟑螂屋加一支雷達或黑旋風甚麼的,便可以令蟑螂逃之夭夭,所以我覺得蟑螂並不那麼難對付。再不然就是本人在家居清潔上沒有躲懶,令蟑螂發覺在這小天地裡無人間煙火可覓,無熱鬧可湊,所以來也不來了。

可惜這種和諧終於在今個夏天被打破了。今年夏天我一隻成年蟑螂都沒見過,但就不知從哪裡走來了小如蚊子般大小的蟑螂仔,經常在廚房都見到,且每次都三、五隻一同出來犯事。似乎蟑螂生來就懂團體合作,互相配合,遇上危險來一招聲東擊西,虛張聲勢令你頻頻撲空。好多次,我手握那支滅蟑螂噴霧,屏息靜氣將長尖噴嘴對準了其中一隻蟑螂仔,心想看你還往哪裡走,恨恨一下噴過去,受死吧!頂,噴唔中,再來,再唔中,待想噴第三下時,蟑螂仔早已不知所蹤。於是乎,我恨得一股氣鬱結在心。我趁休假用過半天時間整理廚房全部廚櫃,沒有任何發現,跟手用開釋的漂白水抹遍廚櫃,以絕後患。但之後仍見蟑螂仔在廚房出沒,這誰家的蟑螂仔,不跟在你們媽媽身邊,亂闖來我這裡來幹啥呢!我懷疑那些蟑螂仔是看得見的,否則怎會每每在熄了廚房燈後才現身。那麼那些蟑螂仔自然也看見我手持要來消滅它們的武器,却笨手笨腳地噴上噴下噴東噴西,命中率超低。看我如斯狼狽不濟,蟑螂仔可能早已失笑。

輾轉二個多月了,仍可在廚房見到蟑螂仔出沒的蹤影。奇怪的是,所見到的蟑螂仔一直還是蚊子般大小,該是誰家灶下繁殖了一批又一批罷,很恐怖,亦很討厭,是那常常餸菜飄香的誰家嗎。那天我又見三幾隻蟑螂仔在廚房橫行,手忙腳亂中找不到那支噴霧,於是順手捲起二張報紙,一嘢啪過去,哈哈!中!再啪,再中!我終於明白是那支滅蟑螂噴霧的噴嘴太細,蟑螂仔又細,所以難命中。而捲起的報紙啪落去的面積大得多,自然命中率亦高得多,只是要更仔細做善後清潔工夫了。我很希望每家人都搞好自己的家居清潔,即使你不介意家中有蟑螂出沒,但好歹別殃及池魚嘛。

 

19 則留言:

!? 說...

我屋企個廚房都係喎,好恐佈呀半夜突然開燈時就會見到佢地四散開時,佢地走去D微波爐下面時噴左又驚會爆炸,走去D碗碟時噴左又要全部洗過,好討厭!!

路漫漫其修遠兮 說...

所以居住環境伙數越多可能問題越多, 像蟑螂問題, 一家有可能漫延多家甚至全幢大廈. 蟑螂生命力超強, 在地球上已存在過億年, 比人類歷史還長得多, 所以很難治的, 通常只能治標.

l.minor 說...

我屋企一樣有呢個問題,又係呢個夏天非常嚴重,每晚返到屋企都要殺生!

路漫漫其修遠兮 說...

用那些噴霧真的要非常小心, 它能毒死害蟲同時也能毒人, 我寧願不用的.

卡臣 說...

十一月都仍然有蚊
global warming又一鐵證

嚴明 說...

今年, 確是特別多蟑螂, 大小也有. 無論家居多清潔, 也會有蟑螂的, 只是多少問題. 我反而想, 如果是清潔的, 就把卵放下算了, 然後去別的地方找吃的. 我大概殺了四五只童年蟑螂, 看來是有個卵被留下了. 殺蟲水很管用, 噴霧形色, 不一定要噴中哦. 看來, 人類滅亡了, 牠們還能存在.

Coffee 說...

Sera︰
係呀!用殺蟲水係呢樣唔好,不能盡快噴殺,特別在廚房,要就住就住。

Coffee 說...

阿路︰
呢樣嘢真係要各家掃好自己門前雪了。蟑螂偶爾是家中過客都算了,但千祈不要留下。

殺蟲噴霧要用得好小心,發揮得好時殺得徹底。

Coffee 說...

卡臣︰
好彩我家冇咩蚊!

Ebenezer 說...

去買支電蚊拍啦,對付細小虫虫,比用報紙乾淨好多架:)

Coffee 說...

minor︰
呢啲係害蟲,殺得越多越造福人類!

Coffee 說...

嚴明︰
本來我的觀念入邊,盡量唔啪而是用殺蟲水,因為可連卵都一氣殺埋,但今年啲蟑螂仔,噴來噴去噴唔到,情急下用報紙啪,但 work 咯。

Coffee 說...

Eben︰
啲蟑螂仔好似蚊咁細游走在灶台上或廚房牆上,電蚊拍 work 唔 work ?

Armadillo 說...

哈哈,嗰啲係新品種小強,最大都只係得1.5cm長,而家冇晒啲大小強架喇!我平均每晚入廚房都會打死幾隻,多數係徒手搏擊,摷得工具嚟都唔知走咗去邊啦!殺蟲水我就一定唔會用,費事自己抹餐死!

PoCaRi 說...

上兩個月有一晚有十多隻大強硬闖我家,結果我整晚都冇訓過,已經驚得唔知幾時就會爬去我床邊.

試下用洋蔥汁/剝左皮既洋蔥放係出沒路徑,大強對洋蔥味好厭惡的.

Coffee 說...

Arm︰
我正想問大蟑螂是否已絕跡了,因為大嘅好得人驚,唔講得笑,諗住好咯,以後都唔使再見到大蟑螂喇!點知不pocari的回應是還有大蟑螂:(

Coffee 說...

pocari︰
嘩!諗到都毛管「動」,原來洋蔥有呢個作用,我買嗰啲蟑螂屋都冇用嘅,小的可能是變種的蟑螂,我又試下放些洋蔥,睇下可唔可以防止蟑螂仔入屋。

熱血宅男 說...

我也很怕小強,特別識飛的

Coffee 說...

唔知嗰啲絕種咪呢:P

Related Posts Plugin for WordPress, Blogger...