2011年8月26日星期五

是日放假去MB

今日去做Facial,美容師話我皮膚基本上保養得幾好,係乾咗啲,叫我記得記得睡覺時放杯水在牀頭,否則開冷氣瞓,會將面部水份吸得好乾。這個我知,以前有時放有時唔放,但今年夏天開冷氣以來,未放過。一定是很乾的,因為我多咗清晨四、五點口乾到要起來飲水這極不討好的動作。

Body師以前學刮痧的,她說刮痧一定先刮背脊中間條骨,然後才到二邊,不能亂刮一通。我說我不刮痧的,因為聽說刮開以後都要刮,大凡少少頭暈身興,傷風感冒,都要刮痧才好,(我家媽媽是很好的例子),她也說最終是這樣的,但就即時見效。Body師還說,她師傅教落,如果不是一般保健刮痧,而是幫病人刮,特別是重病患者,一定要脫鞋赤腳踩在地板上,這樣萬一有甚麼不好的氣場,都不會停留在刮痧師傅的體內,會讓地氣吸去。

不是賣廣告,我自己的體會,這幾年我去MB按Body或推淋巴,身體狀況真係好咗。我平均二星期去一次,忙的時候盡量一個月都去做一次,每次做二part,合共一個半鐘,每part一百元,所以做二part(才)二百元。我之所以用才字,是真係覺得物超所值,環境舒適,獨立房,一眾女師傅個個受過訓練,水準都有番咁上下,有時間的話,濕蒸乾蒸隨自己便,蒸得大汗淋漓好不暢快,聽聞有些分店最近還開始做男賓。總之由我開始去MB幾年以來,已極少極少睇醫生,說明身體質素好咗。

轉台,今日同瑜通電話,她丈夫姪女的婚事該會告吹,在全家族狂轟下,昨天同意去退了酒席。



11 則留言:

Armadillo 說...

瞓覺放杯水喺床頭,我就一定唔咁做,因為實會倒瀉!

卡臣 說...

取消婚宴都好
不要再錯下去

佛爺 說...

放杯水係床頭無用,唔夠濕氣!

Coffee 說...

Arm︰
我牀頭有櫃,安全的,昨晚放了。

Coffee 說...

卡臣︰
梗係啦!明知係個火坑都跳咩!大陸人追債都好狼下架。

Coffee 說...

佛爺︰
我昨晚放了,作用不明顯,今朝起牀都係好口渴,睇來要改變方法。

路漫漫其修遠兮 說...

推淋巴可能也算自然療法的一種吧, 我試過多種自然療法, 就是沒有試過推淋巴, 聽妳說得功效那麼好, 有機會要試試. 不過推淋巴好像只服務女士似的.

Coffee 說...

阿路︰
都有認為推淋巴不好的說法,我抱著久唔久推下的心態,且感覺幾好。

坊間都有,但又真係好似剩係女士會用這服務,可能女性脂肪較厚,淋巴較易塞吧。

熱血宅男 說...

杯水在牀頭,有d風水feel

熱血宅男 說...

推淋巴好痛嫁~~~~

Coffee 說...

熱血宅男︰
我信風水架,不過現實中是無能為存力。

至於推淋巴,開始係好痛,而家慣慣哋喇。

Related Posts Plugin for WordPress, Blogger...