2011年8月24日星期三

無題

那天,負責我們室的茶水姐姐放假,為方便飲水,我由另一處拿了一壺水來,放在我們外室的鐡櫃上,還告訴同室的他在此斟水便可。

大約二小時後,我往斟水。拿起水壺,嚇見水壺底滴滴流下一、二條水線。糟了!我第一時間想到茶壺漏水,再望下鐡枱面,很大一灘水!我急忙返回自己位,取來一條備用的抹布,抹乾那灘水。抹乾後,我望下水壺底,又好似冇漏水喎!心想,我取來的這壺水又不是冰水,不該會如此遇熱滲水出壺外架!算啦!都係找塊布墊在水壺底,以防再漏水,並將水壺搬到木枱上,因為鐡枱面已有少少生金秀,遇水更衰多二錢重。

安置好水壺,我告訴同室男,斟水時留意水壺有冇漏水,不過唔使擔心,我已加了塊布在水壺底。
我未完全講完上面那些說話,同室男已經,啊!係我斟潟嘅,頭先唔小心斟潟嘅!同室男完全唔當一回事咁講。
一聽佢咁講忟到我吖!你倒潟水點解唔抹番呀?仲要倒潟一大灘!特別係嗰鐡櫃已經生金秀!
係!係!係我嘅錯!對唔住!
又係哩句!我火都嚟埋!一腔火氣衝出︰

你.可.唔.可.以.唔.好.做.咁.多.要.講.對.唔.住.的.事.呀!





16 則留言:

路漫漫其修遠兮 說...

發洩完應該沒那麼激氣了.

Coffee 說...

阿路︰
太多呢D行為喇,呻完好啲:)

卡臣 說...

唔好激親自己

Coffee 說...

卡臣︰
我呻出來就唔會擺係心架喇!冇事!

嚴明 說...

哈哈哈,如果人人都有公德心,政府便要大裁員了,警察,控煙辦,衛生幫....

Coffee 說...

嚴明︰
佢嗰啲行為出現在工作上,則是冇責任心的人,殃及池魚吖嘛!

Armadillo 說...

哈哈,你呢位男同事又真係比較奇怪,做乜要自己招認呢,唔通佢鍾意俾人丙?自己搞嘅蘇州屎要人地執手尾,同佢做同事都幾大鑊吓!

佛爺 說...

我見過電腦鍵盤上,有鞋印添呀!服未?

Coffee 說...

Arm︰
因為佢一聽我嗰灘水,未待我講完,佢知衰快快認衰少啲吖嘛,況且嗰日得我同佢在。

出來做事,你鍾意練精學懶你閣下的事,但要別人跟手尾,學似另一同事講的,攪到人就唔好啦!

Coffee 說...

佛爺︰
嘩!避小強避到上枱!

佛爺 說...

咖啡:

我諗有人見到超級小強,才會跳上白色的鍵盤上,簡直離譜!

Coffee 說...

佛爺︰
咦!此話怎講,不是很明白:P

佛爺 說...

咖啡:

其實好簡單,有人做到火滾,把個鍵盤放落地,踏一腳,跟住至放工。

fengshuicentral 說...

相信自己! 加油!

Coffee 說...

佛爺︰
原來係咁,好笑!

Coffee 說...

fengshui︰
我以為廣告:p

Related Posts Plugin for WordPress, Blogger...