2011年2月24日星期四

知足

補貼$1800電費,免差餉,注$6000入強積金戶口,加父母及子女免稅額,這些是我在是次預算案所能得益的。

我很開心,真心話!

身邊八十後惟一得益是$6000注入強積金戶口,但幾個一面倒狂踩!因為待六十五歲退休可取用時,$6000可能只可買碗雲吞麵!我當然都想現金到手,但我在想,如果派現金,那就要派給全港七百多萬人了,而無業的人不是更應該派發嗎?

不過我很認同Eben的「「住緊公屋嘅先至算係「低收入」人仕,在財爺眼中,呢個道理,唔駛審都一定係啱架啦!至於嗰啲住板間房呀、執紙皮都死唔肯去攞綜援呀、搵朝唔得晚班友仔,曾司長覺得,佢哋有公屋唔鬼去住、有綜援唔去攞,有稅又唔駛佢地交,仲駛鬼理咩,抵佢哋死啦!」」

我的而且確識好幾個公屋富戶,應該每個人都識一些,所以加加埋埋數量都不少!唔想講的,別人家的事,但為回應Eben「住公屋嘅先至算係「低收入」人仕!姑且講一聽回來的真實事件罷。有一女人,婚後生了二名兒子,兒子出世後沒有工作過,當然我不會稱她為少奶奶,因為沒有請工人幫手,在家帶小孩絕對比一份朝九晚五更辛苦,不過最大好處是不用看別人面色。她丈夫由畢業後就在深圳工作,今時今日已是高薪厚職一族,他/她們家在深圳買了間客廳有豪華樓梯轉上二樓的超大住宅,以車代步,而在香港,一家四口住在公屋。她曾私下相告友人,丈夫報稅是分開二張報稅單。

10 則留言:

嚴明 說...

公屋富戶,真的有很多,但可以肯定,是極少數。任何政策,都總會有些人能混水摸魚,做大事,不能因少數而犧牲大多數。

但我還是很不滿意政府沒有"即時" 處理貧窮問題。簡單説,看不到有甚麽政策能令貧窮綫下的人能生活得有尊嚴一點,例如,有計劃地取締籠屋。生活還算舒適的人,當然說眼光要放遠一點,但生活在貧窮綫下的人,他們可能連明天也沒心情去想。

篤篤篤撐 說...

97後O甘多年既財政預算案每次都係冇長遠既理財理念 (除左梁錦松亂O甘黎既資本主義原教旨預算案之外)。

今次仲大鑊, 大鑊在大家都知黎緊要處理通脤同樓價問題, 佢竟然閃左~~

Ebenezer 說...

說真我一些都不在意住公屋人士可分多分少,反而我著意的,是“政策背後的理念”。

我覺得,如果政策開宗明義是要照顧弱勢一群,那麼現在最需要被關顧者、一直最得不到扶持者,理應首先被看顧,那才切合讓最弱勢者得最大保護的公義原則,若為官者仍視而不見,是為不仁不義!

如篤撐兄所說:「今次大鑊在大家都知黎緊要處理通脤同樓價問題,佢竟然閃左」,是為失職!

至於那六仟元補貼,事實上完全沒有現金流效益,坦白說根本上只是賬面數字把戲而已,志在弄虛作勢而已,為官者想眼巴巴當正大家白痴,是為不智!

Coffee 說...

嚴明︰
一個社會五花八門,咩人都有,是事實。
我很認同你講>>讓貧窮綫下的人能生活得有尊嚴一點!
但長遠又驚更養懶那些取巧的人!

Coffee 說...

篤撐︰
>>處理通脤同樓價問題!

我一直認為董建華真心幫中下階層,但曾特首不是。

Coffee 說...

Eben︰
>>一直最得不到扶持者,理應首先被看顧。

絕對讚同!所以我之所以知足!

卡臣 說...

我要移民澳門

Coffee 說...

卡臣︰
社會怨氣好大!

Armadillo 說...

講到扶貧,個個都係諗住要派糖。糖嘅,梗係唔會有人嫌多啦。因為香港嘅人口結構冇人控制到,如果喺產業結構方面又冇改變,墊底嗰班人始終都係會墊底!今年派一粒糖,出年佢地會要求兩粒,呢個絕對係無底深潭!

Coffee 說...

Arm︰
其實真係首先要關顧咗住板間房住籠屋的失業人士!

Related Posts Plugin for WordPress, Blogger...