2010年10月6日星期三

女兒

今日放工在地鐡車廂,有位媽媽在教導讀小一的女兒。媽媽越生氣,囡囡越攬實媽媽,由頭仔到腳仔成個人緊緊貼著媽媽。媽媽問︰知唔知呀?囡囡軟軟地點點頭,再攬實啲媽媽。

噢!!

媽媽見我一路望住她們,可能覺得女兒太嗲,叫女兒企好,並拉開女兒,讓她自己抓住鐡柱。囡囡被拉企遠些媽媽,但雙手由攬實媽媽的腰變攬去媽媽的腿,拉媽媽埋自己身邊,頭仔找到媽媽的腹部緊緊挨貼著,一邊扭動一邊繼續做其小樹懶。

看到這一幕,我身心都軟晒!可以攞我的命喔!!

10 則留言:

Ebenezer 說...

係呀,心肝Ding 一出軟功真係好攞命架!!

Coffee 說...

Eben︰

哈哈!然後咩都唔記得晒!
「我頭先講到邊度呀?以後唔準唔聽話喇!...」

笑談風月 說...

令我想起帶首位姪女的時光,帶她出街,乘巴士,冇位坐,便會死攬著我的腿,有時更會站著、攬著睡。一瞬間,讀完博士,當教授了,還會寫email提起兒時事,真感動!

Coffee 說...

風月︰

早晨!我身體常被女人的母性咬下咬下,每見人抱住個女,我便心痕手癢,肉緊到癲!

l.minor 說...

看妳呢篇也看到我心軟軟,那個小女孩是否很可愛?從妳筆墨中,妳很喜愛這個小樹懶~~

Coffee 說...

Minor︰

:)

其實我完全見唔到小女孩的臉,是她軟軟貼在媽媽身上,抬著頭望住媽媽「鬧」佢的動態好攞命!!

Armadillo 說...

做父母嘅有時唔可以太心軟,所謂慈母多敗兒,我信架!

Coffee 說...

Arm︰

明嘅!但女兒可錫多啲嘛!

S 說...

生女就有呢個好處...

Coffee 說...

SKII︰

你明哩!攬實個女,心都溶埋!

Related Posts Plugin for WordPress, Blogger...