2010年10月7日星期四

借來的時光

今早返工經過小食店時,想到很久沒有飲它的奶茶吃它的炒麵了。想食!那就食吧!一杯奶茶一包炒麵應不會破壞整體的減肥大計,適當的獎勵是為繼續行下去而進行的身體及精神上的打氣。

這份簡單到不能再簡單的早餐,然而我食來却是那麼的滋味無窮!因為好與不好均是比較出來的,這奶茶炒麵給我的滿足,久違了!讓我像偷閒借來了一刻別人的好時光。我不諱言自己是個感情細緻的人,所以即使這麼一丁點的開心,我也深深地感受到!
 
再來,這是我今日的午餐,二隻紫蕃薯加半杯好立克麥皮。麥皮無甚麼值得講,要講的是紫心蕃薯。我不太確定自己從前是否食過紫心蕃薯,總之上週末買回來弄熟後一食,嘩!很.香.甜!比較常食的黃心蕃薯,絕對是有超過之而無不及!因此我斷定自己以前是不曾食過的,我咁愛食蕃薯,如果食過,怎麼會不記得!於是前晚放工後,走去入貨。一點都不貴,十元有三磅,我諗住買三磅,點知到過磅才知有六磅多些,盛惠$23.5,好抵食!不過一大袋抽回家,都咪話唔手軟!

 

16 則留言:

Ebenezer 說...

咁簡單嘅早餐妳都食到咁滿足,妳都好易氹個播^^

Coffee n Tea 說...

Eben︰

你試下食成個月麥皮做早餐吖!食個菠蘿包都滿足到不得了呀!
聽日起又麥皮喇!:p

l.minor 說...

咁簡單嘅早餐妳都食到咁滿足,妳都好易氹個播^^x2

早餐超標了(多油喎), 食蕃薯肥唔肥架?

最近早餐我會食大早餐, 午餐就食麥皮, 晚餐就正常, 不過都冇咩幫助...

Ingrid 說...

我朝朝麥皮阿,偶爾加奶甜食,偶爾加味增湯包(附乾蔥、海帶的那種)鹹食,都好吃,我是麥皮控,也是番薯控,哈哈~

笑談風月 說...

我也喜歡好立克配麥片,再加點胚芽,超好味。我早餐十年如一日,脱脂奶粉冲咖啡配餅干或麵包,超簡單。紫蕃薯是那處品種?超平!

Coffee n Tea 說...

Minor︰

都係果句,食多咗麥皮呀!

個炒麵真係幾多油下架,所以我忍口,早餐剩係麥皮。蕃薯應該肥唔到去邊,是健康食物。

你果種食法都好ok喎,要堅持耐少少,係會慢啲架!加上你近日多飲宴,自然吸收多咗!

Coffee n Tea 說...

Ingrid︰

喔!原來同道中人!
我都要試下你講果種鹹食,可想像到幾唔錯!

火鶴 說...

我又好中意食蕃薯, 除咗紫心外, 有隻紅皮白心又係好正, 不過就好貴.

Coffee n Tea 說...

風月︰

你的麥皮食法同我的好接近,我因之前買了煉奶,所以我就加一少少煉奶,因怕高脂高熱,少到幾乎食唔出甜味。

紫蕃薯我未見過街市有,是偶然在佳寶見到的,好似唔係十元,係十一、十二元三磅,都一樣係平到離晒譜。:p

至於品種,我都唔太清楚呀!

Coffee n Tea 說...

火鶴︰

噢!真係好多同好者!
>>有隻紅皮白心又係好正

多謝介紹,嗯~,我一定會試下!:)

Armadillo 說...

我細個都好鍾意食炒麵,不過而家好少食,因為實在太高脂!而且小食店仲可能係用萬年油嚟炒嘅添!

Coffee n Tea 說...

Arm︰

呀!萬年油,有可能架!點解我之前諗唔到,都好,心安理得食麥皮,唔洗日日經過都有些心思思了!

佛爺 說...

我就好享受多士、火腿通粉和凍奶茶,好似食極都唔厭咁。

卡臣 說...

我愛魚肉燒賣喎

Coffee n Tea 說...

佛爺︰

你的早餐中,我都喜歡多士,夠香口!

Coffee n Tea 說...

卡臣︰

我曾有段時間常食魚肉燒賣,不過一定要加佢地秘製的辣椒豉油,否則唔食。

Related Posts Plugin for WordPress, Blogger...