2010年10月13日星期三

窗簾

要換窗簾,不想再用路軌,打算改為木通或鐡通棍。到旺角打下價,廳及三房,平的二、三千,貴的四千多。猛推介我做四千多的,妖!我心諗那成套豪華簾,莫說屋細容不下,就算容得下都不是我杯茶!如此「幅員遼闊」,我睇到都頭痛,日後點清洗打理呀?

去另一間,我話不想再用路軌的,想轉做木通或鐡通的,點知阿店東又好專業好肯定地同我上了一堂課,而家唔興木通鐡通架喇!原來我封閉咗咁耐架?我以為轉一樣新嘢,阿店東竟話得出過時,嘿!我呆著不知繼續不繼續好,繼續問都冇意思。

從來不喜歡行旺角,上星期六、日行到腳軟軟,仲要係冇結果!

向朋友查詢,友人C說今年七月在深圳車了一套窗簾,廳窗及三房窗,唔包路軌,盛惠人仔500多,再問友人R,很權威地說,用宜傢的鐡通,搵人裝鐡通棍,上深圳車窗簾布,平、靚、正!
噢!一天都光晒!

14 則留言:

Ebenezer 說...

講開又講,我屋企套窗簾都係深圳東門貨仔^^

卡臣 說...

友人R又幾好計喎

l.minor 說...

我都想整過套房窗簾,因為縮水,而且開始透光,阻住我訓覺...

佛爺 說...

l.minor:

哈哈!比你笑死我!窗簾縮水,都會阻住你瞓覺。

Coffee n Tea 說...

Eben︰

原來真係好多人都在深圳做窗簾,價錢實在差太遠了!

Coffee n Tea 說...

卡臣︰

因為佢啱啱就係咁樣換完全屋窗簾。

Coffee n Tea 說...

Minor︰

如果你唔換窗簾軌,易好多架!可度好尺寸去深圳羅湖或東門做,佢哋有埋式樣俾你揀,即日可取。

Coffee n Tea 說...

佛爺︰

其實我睇到minor話布縮水、透光,咗住瞓覺時,我都笑了!:)

l.minor 說...

佛爺 & Coffee:

呢個係最主要原因要整過d窗簾呀!窗簾縮了水,有光”瞪”住哂我訓,好大罪架!

笑談風月 說...

妳不妨到佐敦寶靈街試試,有兩間水準高、款色多元化,價錢合理的選擇,我光顧過幾次,very good!

Coffee n Tea 說...

minor︰

這點我較為幸福,睡得好,放假要瞓時日光日白一樣瞓得香。

Coffee n Tea 說...

風月︰

噢!謝謝,一定抽空去,有冇店名?

笑談風月 說...

找不到單,忘記了,條街只有兩間,一左一右,約在街中段,很明顯,容易找。以彌敦道計,第一間是老人家看舖,第二間是中年夫婦看舖,兩間都很老實,以我對你的認識,應該有喜歡的。

Coffee n Tea 說...

風月︰

收到!謝謝你!我會去看,希望物美價廉!:)

Related Posts Plugin for WordPress, Blogger...