2010年6月14日星期一

無聊次文化

C小姐︰我近排有啲抑鬱!
咖啡︰   哈!抑鬱!點解?婚前抑鬱?
C小姐︰唔係,果樣無壓力。因為就要來交稅,我發現自己每年由報稅起就有啲抑鬱症!
咖啡︰  哦!咁妳點舒緩呢個壓力呀?妳每年加人工,只會越交越多,抑抑下鬱鬱下,都幾大件事架!
C小姐︰唉!無呀‧‧‧
無禮貌的咖啡搶答
咖啡︰  有辦法!有辦法!
C小姐︰係?點呀?
咖啡︰  叫老細唔使加人工,或者減番多少,再唔係妳捐啲俾我呀,我窮!

 
********

言︰    今日起,隻龜龜有新名喇!
咖啡︰咩名呀?
言︰    叫「卓希」!
咖啡︰哈!咩事呀?
卓希是言的至好朋友仔。言取龜糧餵龜龜。
言︰   卓希食嘢喇!卓希,卓希!  
咖啡仍冷眼旁觀,等待中‧‧‧
言︰    卓希今日好大聲話,「嘩,落雨~~喎!」
咖啡︰就咁呀!無聊!


********

M~︰ 我家姐個女俾香港X大精神科收讀喇!
咖啡︰哦,佢改變初衷啦?唔去台灣啦?
M~︰ 無喎!佢仲等緊台灣果邊嘅消息。
咖啡︰台灣果邊佢揀咩科呀?
M~︰ 獸醫!
噢!咖啡差點被正待下嚥的食物梗親。
咖啡︰獸醫!佢八優生來架喎!
M~︰ 係呀!話香港唔承認台灣學歷唔緊要喎,佢以後會留係台灣生活,仲好!唔返來架啦!
咖啡︰點解佢咁中意台灣?
M~︰ 台灣人斯文喎,唔似得香港人咁粗魯呀!唉,迷台劇,迷台灣明星呀!
咖啡︰妳家姐哋俾呀?
M~︰ 唔俾架!但無佢符咯!佢話唔使亞媽跟住去,不過就想要屋企個賓賓跟住去,當然唔得喇!宜家唯有希望佢回心轉意咁話咯!

13 則留言:

卡臣 說...

真的笑了

Coffee 說...

卡臣︰

謝謝捧場!笑一笑,十年少!

韻味熊貓 說...

M家姐的女兒,最好先讀獸醫,然後回港再讀精神科。將來面對病人時,就把他們當禽獸咁醫,事半功位也!嘻嘻!

i.c. 說...

佛爺 提到...
M家姐的女兒,最好先讀獸醫,然後回港再讀精神科。將來面對病人時,就把他們當禽獸咁醫,事半功位也!嘻嘻!

——————

啱哂!

Coffee 說...

佛爺︰

俾你笑死!咁說法,千祈咪有精神病!

Ingrid︰

妳都buy佛爺呢個說法呀!

韻味熊貓 說...

咖啡:

獸醫和精神科是兩回事,怎麼有人會二擇其一?聽起來有點像笑話,所以我便以講笑形式,把兩種沒有關係的專業連在一起而已!

但我又不是完全講笑,行為心理學,它的原始概念,也是來自吠吠狗的。吠吠!

笑談風月 說...

三則次文化不失有趣,不容易理解。

Coffee 說...

佛爺︰

女孩選科有好多不同意見的。

>>行為心理學,它的原始概念,也是來自吠吠狗的。吠吠!

你讀過心理學?

咁多人通街大叫亂叫,即是心理原動力驅使下的社會行會。

Coffee 說...

風月︰

有趣就得喇,生活太嚴肅的話,很累!

韻味熊貓 說...

咖啡:

我係垃圾桶!乜書都去睇一下的!吠吠!

Coffee 說...

佛爺︰

博覽群書有很多得益,我都愛閱讀。

但「吠吠!」是你下意識的心理於行為的表徵嗎?內心有很多未能說出的壓抑,頗深奧呢!

韻味熊貓 說...

咖啡:

哈哈!不要想太多下意識和潛意識的精神狀態,好易思覺失調!嘻嘻!

Coffee 說...

佛爺︰

你啱!始終簡簡單單是最好!:)

Related Posts Plugin for WordPress, Blogger...