2010年6月6日星期日

窩心

在家呆了一整天,畫畫、睇書及上網睇了一套片。直到傍晚外出購物時,方發覺今天無開手機!有二通留言,其中一個是瑜的。正想聽時,瑜打來了。

瑜︰妳今日去咗邊呀?妳唔係香港呀?妳知唔知我搵咗妳成日呀?
我︰哈!我今日成日係屋企喎,不過我唔記得開手機咯!
瑜︰哈妳嘅頭呀!有無搞錯,妳唔係從來唔熄電話嘅咩?
        (因家母長住內地,所以我的手機基本上是長開的。)
我︰嘿嘿,一時唔為意!
瑜︰P今日包咗好多粽呀,叫我哋去攞,搵唔到妳,我咪自己去拎咗返來咯!我烚好啲粽了,宜家拎去俾妳,定係點呀?
       (瑜和我相隔一個地鐡站)
我︰哦,係呀!我宜家去拎(雀躍中)!
        (我們向來有個交收點)

臨出門前,見家中有箱三十(紙)包的王老吉飲品還未開封。整箱拿上手頗重的喔!!但我依然提起了它出門,因為瑜,是值得的。

10 則留言:

嚴明 說...

以物換物, 有趣有趣! 是朋友嗎? 聼來, 關係真的挺好; 得一知己, 死而無憾.

Coffee 說...

嚴明︰

是好朋友。她沒有出來做事,練得一手好廚藝,常接濟我這個全不懂廚藝的人,:p

所以,我的「禮尚往來」總不及她的窩心!

卡臣 說...

有口福呀

Coffee 說...

卡臣︰

我是幾喜歡食粽的!

韻味熊貓 說...

好溫情呀!

Coffee 說...

佛爺︰

網上識了你們,也很溫情呀!

自聊思 說...

嘩...咁多粽...小心食滯喎。

Coffee 說...

自聊思︰

我會再給啲朋友食嘅!端午節就到喇!

笑談風月 說...

自家糭,很久沒吃過,超羨慕。

Coffee 說...

風月︰

另一朋友P,很有熱情做應時應節的食物的,我都算有口福架!

妳一定在上海食了不少美食啦!幾時貼食相呀!

Related Posts Plugin for WordPress, Blogger...