2010年6月5日星期六

男女大不同

今日在巴士上聽到二父子的對話,我即時KaKa笑出聲,好彩有巴士開動聲掩蓋了。

父︰我哋係男仔來架,所以我哋講嘢要守信用。Promise咗嘅嘢,一定要做到。
子︰咁,係咪剩係我哋男仔要守信用,女仔就唔使守信用呀?
父︰唏,女仔成日都講嘢唔算數架啦!女仔係唔守信用嘅!

(聽到這我忍不住失笑!kakaa... 心想,呢位父親給稚子甚麼樣的歪理教育呀!)

( PS︰到底係男人心目中,係咪都有呢種傾向的諗法呢? )

10 則留言:

卡臣 說...

都唔係呀, 女人都好守信用架

嚴明 說...

當然, 男女也要守信, 但畢竟, 女人失信, 有男人原諒, 男人失信嘛, 就只有神可以原諒, 這個很難:P 歸根究底, 就是男人天職要保護女人囉;)

韻味熊貓 說...

無想過男女守信用是有別的。但在感情生活上,女人是較男人守信用的。

笑談風月 說...

絕對是偏見、性別歧視!

Coffee 說...

卡臣︰

我作為女性感謝你!

Coffee 說...

嚴明︰

在某程度上,我認為相愛的男女都可能有少少不守信,那是測試自己能讓對方包容幾多,說俗些,即是有幾愛,一些無傷大雅的小花樣,可能是情趣。:p

Coffee 說...

佛爺︰

感謝你又為女人加了分!

Coffee 說...

風月︰

我只是奇怪,作為父親,點可將自己的偏見當真理來教育兒子!

妳回來喇!我宜家就去妳度增廣見識。

自聊思 說...

父親教兒子守信用是絕對正確,必須讚賞。
只是借意灌輸了錯誤和偏見給兒子,則抵打!!
我倒有興趣知道這位爸爸是不是常吃了很多不守信用的女性的虧,才有此深刻體會﹖這父親是不是遇人不淑﹖

Coffee 說...

自聊思︰

我初聽時都覺得很正路,跟住這父親滿懷怒氣說女仔從不守信時,我係心都打個突!

當時我諗︰唔知小童會否問「咁媽咪係女仔,媽咪都唔守信用呀?」係咁,就要聽下果位父親點答喇,可惜小童無這樣問。

我都好似你咁諗架,吃過不守信用的女性的虧,才帶此怨氣!

Related Posts Plugin for WordPress, Blogger...