2009年11月30日星期一

煩惱絲三千

一把長髮留了十多年,不是不捨得剪,而是實在找不到更適合的髮型。本人頭髮天生有少少卷曲,如留短髮,那天然微卷人人都以為是電過的,曾有人不知幾羨慕!只是那髮質太難打理,常要抹些甚麼去作固定,否則一頭鬆垮垮的頭髮好像剛從床爬起來一樣。靚,誰都想!但靚是要經營的,大冬天一早爬起來Gel頭!我情願瞓多五分鐘。所以我不喜歡自己曲卷又極不貼服的頭髮,發夢都想有一把唔洗點打理的貼貼服服的長髮。

約十鬆啲年前,香港引入了負離子直髮,在相熟髮型師極力推介下,我大膽一試。那一試非同小可,直髮效果可維持大半年以上,而且不需任何甚麼定型水去固定,每朝隨意梳梳便可出門,省回不知幾多功夫!我愛死了這負離子直 髮,從未覺得花錢花得咁值!如果我曾肉痛那千多元,後來我是100個認為值回票價了,我興奮地向友人宣稱負離子直 髮是當代最偉大的發明之一!!這咁多年來,我每大半年就做一次負離子直髮,價錢倒是越來越平,比當初平了一大截,但就恨死了每次均要固定坐姿四至五粒鐘,雖然我已極有備地帶上遊戲機、小說、數獨填寫...但那種固定頭姿的幾小時的呆坐真的苦不堪言,腰酸背痛、腳部麻痺...然而,這十年來,我還是樂此不疲!!

近日見頭髮又開始蓬鬆,計下,上次做負離子直髮至今又大半年有多了。但不知何解,我似乎未有意欲上髮型屋,轉性?莫非...?哎呀,都係唔好自己嚇自己!不過,事但啦,用髮夾頂住先。昨日上街,經過賣頭髮飾物的店舖,走入去湊下熱鬧,哈!倒也讓我找到三幾件合眼緣的髮夾,今天,其中一件率先上陣,以夾起我的長髮作己任了!

4 則留言:

笑談風月 說...

我以前都是長頭髮,今年頭剪掉,剪成男裝,輕了很多、很多,現在隨時可以洗頭。不過,已經被誤會是男生,在廁所被問是否男廁,有驚喜!
以前試過一次負離子直髮,太花時間、太辛苦,怕怕!

嚴明 說...

>嚴明,你好!常在「風月」度見到你,今到訪,原來你的「家」咁特別!

Hey, 謝謝到訪:)

我以前也做過負離子,效果的確不錯,基本上,幾個朋友做了,都覺得很好,反應跟妳差不多。但對我來説,在那裏呆幾個小時,實在是不能接受,所以只做了一次吧了。我是男人,頭髮也不用太好看,就由它好了:P

Coffee 說...

風月︰由長髮變短髮look係一大轉變,我有諗過剪架,但都係得個諗字,唔敢試,怕唔見得人呀!
做負離子直髮,真係坐「死」人,唔講得笑咯!

Coffee 說...

嚴明︰多謝你到訪!你的「家」是真的特別。
估唔到你都做過負離子直髮,你都愛靚呢!

Related Posts Plugin for WordPress, Blogger...