2009年11月16日星期一

一件小事

補記上週末在深圳一小事︰

我之前在深圳刻咗個印章,完成後不太喜歡,趁上週末要去深圳,我帶咗果個印章去,諗住作修改。我央求一朋友陪我去,泊車在附近一露天停車場。我們上去那間小型文化書城,一問,原來不是我想像中難磨。一職員簡單問過情況,即刻叫我再另選字體,話會請師傅磨平之前的,再刻過,超順利搞掂!早知係咁,我自己一人都敢去!之後我買了些宣紙、二支毛筆、二個筆筒,走人。

駛車出停車場時,有個似職員(因無著制服)的人很快伸手過來拿卡去泊了,打出$20,朋友俾完錢,我跟口問︰「深圳泊車咁貴架?」朋友沒有即刻應我,因為已覺察到有些問題。這位朋友的車是公司配給,連油錢停車費都提供,所以經常都是泊完車,取單據就完事,沒有太深究每次泊車的銀碼。這時,朋友開聲了︰「我知啦,停車場果個人應該手持另一張卡,趁我無留意,佢泊佢手果張,所以咁短時間竟然$20。」

朋友應該不會去求證自己的諗法,不過就說︰「法制不健全,甚麼時候都要打醒十二分的精神!耍把戲的是無處不在!」我笑住回應︰「中國人就是這樣磨練出來的麻!」

之後,朋友在深圳地標「萬象城」泊車,泊了大約二、三個鐘,收費$10。

2 則留言:

笑談風月 說...

這就是中國國情,見怪不怪!

Coffee 說...

所以真的要打醒十二分精神,將受損減到最低。

Related Posts Plugin for WordPress, Blogger...