2014年7月7日星期一

未出發先興奮

第一次和要好的朋友一起去旅行 (名正言順的旅行,不是澳門或其他週邊地方兩、三日渡假那種 ),用 D 的說話,是 XXX 南北環線的深度遊,不留遺憾!確有未出發先興奮的感覺。

男生可能永遠都不明白,為何女生聚在一起總愛吱吱喳喳,甚麼白痴無聊的事都可聊一番,中間免不了還有捧腹大笑的場面,而女生的友情就是這樣慢慢沉積下來了。如今再想不起當年說過甚麼,只記得那些年我們一起大笑的日子。

昨天 D 問有冇人買到快乾內褲,我說是第一次聽到,安慰 D 說買唔到都無所謂,即將淘汰的內衣褲便是我們旅行時用完即棄的方便物,要不就買最便宜的內褲,目的一樣可以用完即棄。因為 D 說起要準備這準備那,很煞有介事,動員了我覺得自己要買個新行李喼,走完幾大商場後,買了這個,很喜歡。




6 則留言:

DeepC 說...

我都喜歡這個brand的喼架!:)

Armadillo 說...

快乾內褲?有冇需要呀!內褲體積咁細,如果行程喺兩個禮拜以內,帶晒每日替換嘅都唔係佔好多地方啫。

Coffee 說...

DeepC︰

輕身好用!

Coffee 說...

Arm︰

每日替換不難,但要清洗穿過的,女生可能容忍唔到內褲唔洗:p

Armadillo 說...

哈哈,原來男女有別!我習慣將啲著過嘅底褲襪放晒入一個大膠袋,再塞番落個喼,根本就唔會有異味走出嚟。去旅行仲要洗衫,覺對no way!

Coffee 說...

Arm︰

其實我唔知係未個個女人都係咁,去旅行仲要洗衫當然傻,我咩都可以唔洗,但內褲一定要洗,所以我和其中一個朋友的解決方法一樣,帶即將淘汰的或買最便宜的(要先清洗乾淨),然後在旅途中穿完即棄。

Related Posts Plugin for WordPress, Blogger...