2014年7月12日星期六

洗衣機壞了,維修 VS 買新機

家中洗衣機前天突然停止運作,差三個月便用了四年,沒有保養,唯有上網找維修報價。聽了對壞機的描述,都說是電腦板壞了,上門更換電子板,價錢由一千至千七、千八不等。維修費不菲,最擔心是錢用了,換了之後又不知可用多久,於是決定去豐X看看新機再作決定。

對市面上熱賣的家庭洗衣機並不陌生,所謂哪個品牌耐用些衣服洗得乾淨些,我不像以往般執著於此了,此刻更傾向哪個產品的售後保養做得較好。而說到售後保養,怕且非豐X牌本身莫屬了。機相對賣得便宜,例如六KG機賣二千多元,有三年全包保養,加五百八十八元可保多二年,即三千頭有五年全包保養。若在從前,是不會考慮豐X牌的家用電器,覺得質素未有保障,但在請人維修電器越來越貴的時勢下,何不改變初衷,試用豐X牌。

於是,放棄用千元維修壞了的惠XX,而是花三千二百多元買了部豐X牌新機,包括有五年全包保養 ( 賣點 ),且看會如何。

8 則留言:

奕山 說...

Coffee,
果然理財有道,持之以恆必成小富,可喜之事^.^!

Armadillo 說...

整部舊機隨時仲貴過買部新機,咁梗係唔整啦。而且整番好呢度,第二度又可能好快會壞,始終部機都已經用咗幾年。

Coffee 說...

奕山︰

浪費是罪!

Coffee 說...

Arm︰

係呀,雖然維修話有一年保養,但網上找來的,有事時去邊搵呀,仲有機器的東西自己唔懂,人家點講都得,所以買部平啲嘅機,要佢嘅維修保養。

DeepC 說...

三千幾用五年真抵!
有無留意佢地的保養條款, 有些brand 不包parts, parts 另計.

我家用的洗家機是香港見慣的大brand, 基本上每部用五年或以上, 從不加保, 出事次數不多, 過了保養期叫上門也不貴 (他們多師傅及零件嘛, 成本不會很高), 整完還會送幾個月免費保養, 可能也因為這個優惠及免煩, 佢地修理時好細心.

Coffee 說...

DeepC:

我的舊機惠xx,都算大Brand,沒保養下原廠上門檢查費$400,零件另計,例如換皮帶$600,換電子板$1200,如此檢查費加零件,像我換電子板的,盛惠$1600,我認為很不便宜呀,再之前用金章,亦差不多。
X澤的全包,包人工、運費、零件,上限是維修金額不超過機價本身,或換部新機給客人算數。不過始終係第一次用X澤,質素有待觀察。

DeepC 說...

全包咁好?! 咁就轉得過啦.

Kate Lee 說...

Hi, 想問問你會唔會同任何公司合作出文章?如果有興趣請聯絡我;)
kate@moneyhero.com.hk

如果冇興趣既都請覆一覆我,麻煩哂:)
please delete this comment if you think it's annoying ~

Related Posts Plugin for WordPress, Blogger...