2013年4月9日星期二

日立導出導入儀

昨晚試用了美容新寵日立牌導出導入儀,關於第一步驟導出,真係唔知開心好定係失望好。依恆常程序潔面後,小心翼翼按著面部,依震動頻率,開始由內向外側進行導出,一邊觀察導到啲咩出嚟,但直到五分鐘部機自動停頓時,都見唔到有導出污垢,到底是我的臉素來清潔得很乾淨?亦或有使用不當的地方?再或者根本部儀器同我五行不夾?所以唔知開心好定失望好!

但見眾多用家在網上分享,這部導出導入儀簡直係藏污納垢的克星,貼出來的導出化妝棉圖片污糟得很嚇人,是以我才趨之若鶩的。我用來導出的化妝棉,只是殘殘舊舊的樣子,但塊化妝棉套在儀器上在面上摩擦了五分鐘,當然是用殘了的樣子。係,這才是第一次用,用多一、兩星期才有較準確的結論。不過除了第一步驟的導出,第二、三、四的導入保濕,潤膚就挺不錯,塊面是明顯較滋潤了,是不錯的自家美容小工具。




網上圖片

相關貼文︰值得擁有

                    體驗導出

  

6 則留言:

Ebenezer 說...

會唔會因為妳塊面已經太乾淨呢?

Coffee 說...

Eben︰

係乾淨自然就開心,係在自己身上起不了作用,就失望咯!我有同事一樣昨晚開始用的,佢就話頸部導出污糟嘢:P

CC 說...

少少污糟嘢都無咁勁!

Coffee 說...

CC︰

真係無喎,所以才有懷疑。

DeepC 說...

如果唔係看了你的介紹, 我真係唔知這件東東係咩. ^^

Coffee 說...

DeepC︰

我貪靚,所以留意:P

Related Posts Plugin for WordPress, Blogger...