2013年2月27日星期三

諸事八卦

放工去藥房買紙巾,後面傳來一女子細細聲︰唔該要痔瘡藥。藥房男人中氣十足︰痔瘡藥,塞架?後面那女子情急下提高了聲線︰唉吔,唔好咁大聲啦!藥男像整蠱了人一般笑道︰咁都要問架,係咪塞啫,你用定人哋用呀?女子不好意思回道︰唉呀,唔好問啦,是但啦!

嗱,我唔係無禮貌,只因本人笑點低,聽到此早已忍不住笑了出來,但我個人善良,女子望著我善意的笑臉反似找到了救星,說︰咪係囉,問咁多!我幫著她說︰係囉,乜痔瘡藥有分男定女用嘅咩?不防藥男一個回馬槍︰嗱,佢問架!

 

19 則留言:

!? 說...

哈哈哈
呢個好笑!

SKII 說...

哈哈哈,笑死!!

DeepC 說...

佢怕羞就應該去waston 或 萬寧買, 這類公司有女藥劑師, 他們的員工不論男女都較有口德, 當然背後係唔係有口德就無人知, 但起碼面對面答問不用尷尬. :)

卡臣 說...

真係笑了出來

佛爺 說...

其實藥男做到麻木哂!無乜尷尬可言.在一宴會上,聽過一位藥房老闆,大聲講賣壯陽藥,他面不改容,若無其事.

Coffee 說...

靚靚 & SKII︰

我就係一聽就笑了~~

Coffee 說...

DeepC︰

如果不需要咨詢,藥房的價錢平好多。

Coffee 說...

卡臣︰

當時我就係咁喇。

Coffee 說...

佛爺︰

我見你哋幾個男Bloggers講咩都入木三分,雖然見唔到,但都覺得你哋幾個面不改容,嘻嘻~~

佛爺 說...

哈哈!入木三分,唔敢當!唔敢當!純粹鍛鍊寫作而已!嘻嘻!

Coffee 說...

佛爺︰

嘩,你的文字走勢已如入無人之境,我等望塵莫及啊!你叻!

laulong 說...

十個男人九個痔,我第十個 XDDD

Coffee 說...

校長︰

哈,原來有咁嘅講法!那校長你很健康呀!

佛爺 說...

哈哈!如入無人之境,好似係高速公路開快車咁.

「入木三分,如入無人之境.」
都係你D用句叻過我好多.

物極必「返」,我就快從「良」架喇!嘻嘻!

Coffee 說...

佛爺︰

你有你風格,何必刻意從「良」哩!:)

佛爺 說...

哈哈!有時要突破一下形象!嘻嘻!

Coffee 說...

佛爺︰

如果你真係轉型,我恐怕啲男bloggers會抑鬱:p

佛爺 說...

哈哈!我個博客可以治療抑鬱症,我變佐專家喇!嘻嘻!

Coffee 說...

佛爺︰

佛家普渡眾生呀!

Related Posts Plugin for WordPress, Blogger...