2013年2月2日星期六

忘記了溫柔

昨天出去食午飯時,我講大早我用返X小姐的態度對番佢 (註︰X小姐出名惡!)。佢哋問我有幾惡?

玉菲問點解要食事後煙?肥力答話,一輪緊張後要 relax,相信呢件事無人係放鬆狀態進行掛,所以要 relax 番,除非緊張狀態只維持二分鐘。(眾人笑)

肥力話我昨晚團年飯自助餐食很少嘢。唔知佢點衡量多少,不過可能十幾人中我真係食得較少的,但我已食到好飽好飽,最後要斟沙律調味陳醋及紅酒醋飲,幫助消化。 所以不常去食自助餐,太貴的不捨得,中價至不貴的,食物自然成不了賣點,樣樣都有得食,食太飽而最後想不出有邊樣食得特別悅意,只得一個飽字,少了情有所鍾那種滿足。

下午林小姐問我買唔買嗰隻甚麼植物種子嚟沖水飲,之前菜蜜買過嚟飲,話飲咗清腸胃,去得暢順。我話我唔使飲,我去大廁所暢順(笑)。林小姐sales上身,詳加講述更多的益處,但都是佢最後那句吸引了我,原來做緊優惠,一次要買三包便$69一包,我即刻答要一包,因為之前菜蜜買一百元一包時我已想買了,邊使講咁多吖,嘻嘻!

反省︰我不要再像 X小姐咁惡死,我喜歡溫柔的自己 ( 越來越無了 ),咩世界嚟架?將人逼成咁,唔可以,唔可以俾 X小姐擾亂我的脾性,我挑戰自己,日後用溫婉的笑臉回應 ( 講住先,嘿嘿 )。

 


6 則留言:

卡臣 說...

妳給我的感覺是溫柔的

DeepC 說...

你選擇發放正能量, Good!
(惡會傳染人的, 無謂囉~)

Coffee 說...

卡臣︰

嘻嘻,在溫柔的時候我的確很溫柔:P

Coffee 說...

DeepC︰

人對令自己不痛快的人,很自然產生抵抗情緒,日後會視之為磨練EQ。

我有同事話睇下X小姐會不會反省:P

Armadillo 說...

哈哈,忘記咗溫柔絕對係好事呀!喺而家嘅香港,要夠惡先有着數架!

Coffee 說...

Arm︰

但係發惡的樣子好肉酸。

Related Posts Plugin for WordPress, Blogger...