2012年6月13日星期三

小小強剋星

入夏以來,家中廚房又見小小強,細細隻,很乞人憎!在超市買過很多不同牌子的滅小強藥餌,都不管用,除了噴霧的,但噴霧好多時殃及無辜的地方,尤其廚房為食物重地,要小心翼翼地噴,但待小心得嚟時,小小強早已不知所蹤了。前些日子聽同事說在深圳買了隻叫「蟲蟻清」的藥餌,對付小小強很有效。嗨,怎麼我就一直未想到呢,強國在製造毒藥方面絕對是高手,但轉念間都想到強國在製造假貨方面亦同樣超強喎!嗯,想太多了!

叫朋友幫手買,不聽我說要「蟲蟻清」,只聽我說家中出沒的小強是小小強後,便自作主張幫我買了五包這個「灭蟑清」,我只用了一包,分開四份擺放在廚房地上暗角位,放了一晚後,第二日晚上便見到有小小強伏屍地上,很明顯這藥餌不是假貨,四、五日內總共見到大約五、六隻仰天倒臥了的小小強,且晚間暫時不見有小小強在廚房出沒了。如果閣下家中都有小小強,不妨一試。


13 則留言:

DeepC 說...

怕不怕成份對人體有害架?

Coffee 說...

DeepC︰

佢冇特別講,我自動怕咗先,所以每用一樣餐具廚具都先用水沖洗一次。

卡臣 說...

我通常用來來曱甴屋

Coffee 說...

卡臣︰

以前大隻嘅小強用超市買嗰啲都有效。

壽頭一塊 (狗鵬) 說...

請問係深圳邊樹買?

韻味熊貓 說...

這些藥要經常轉換的,因有一些小強,升天之前產了下一代,新一代是有抗體的。

Coffee 說...

阿鵬︰

有冇e貓,遲啲問到貓過你知。

Coffee 說...

佛爺︰

可能係呀!總之呢輪唔見小小強出沒就好了。

五珍 說...

你家裡有很多小強,仲係有好多好嘢食。我家就經常有壁虎出沒。
克星-->剋星

攞你命三千 說...

香港冇得買的??

Coffee 說...

五珍︰

我家廚房比一般人家少煮食架喇,但我家廚房常由右邊隔壁嗰家飄嚟好香嘅味道咯!未用呢隻藥前,晚晚都在廚房見到一、二隻小小強,而家暫時唔見了。

壁虎係益蟲,不過都好核突!

Coffee 說...

係呀,謝謝你,今日我閃過下用錯字,但掛住睇其他嘢冇理會到,陣間改返。

Coffee 說...

三千︰

我諗就冇喇,毒藥的東西應該難搞啲。

Related Posts Plugin for WordPress, Blogger...