2012年6月1日星期五

納納雜

友人 M 以前幹過保險行業,雖然早已轉行,但仍有續保險牌。前些日子找她買了份保險,今天收到份正式保單。

病了幾日,忘記了繳一張信用卡數,打電話去請求不要徵收罰息及手續費。越來越覺得信用卡很煩人,剩下三張都想取消算了。

R說他申請參加學校韓國遊學團可能不批,因為批的同學收到通知了,說是申請資助的那些同學優先,咩道理嚟架!雖然原本我覺得他已去過韓國了,但 R 說想和同學仔一起去,所以不批時連我也有些失望。

原本打算 R 參加遊學團時,我就試坐高鐡去一個未去過的城市吃喝玩樂幾日,最好當地有朋友或朋友的朋友,如今好明顯計劃要更改,重新計劃外游,這所謂計劃包括說服自己要去外遊。

我知咳嗽未斷不戒口會咳死人,想著週末哪裡都不去,在家癢病,食麵時忍不住加了辣,頂!咳咳咳,食了粒咳藥丸才不咳了。

不喝咖啡改喝奶茶,自己泡製的,用荔枝紅茶加脫脂奶粉,還在改進中。

和 B 聊天感覺很好很好,有的人你就是永遠都有說不完的話,你說甚麼人家都懂,這樣的朋友無論如何都要珍惜。


11 則留言:

DeepC 說...

戒下口好D, 今我今都戒! >.<

卡臣 說...

我一日一至兩杯coffee架

S 說...

你知不知道自己是什麼咳?例如寒咳定係乜?我試過因為氣管敏感,結果飲 crocodile 湯攪掂。

韻味熊貓 說...

韓國英語行不通,如何遊學呢?

Coffee 說...

DeepC︰

戒口好緊要,我見唔係咳得厲害所以冇忍口,而家要立心戒了。
未睇你貼文,有冇講咩事你又要戒口,陣間去睇。

Coffee 說...

卡臣︰

各人體質不一樣,我有個女同事,都係日日用咖啡壺焗一、二杯咖啡飲。

Coffee 說...

SKII︰

謝謝你!我都知 crocodile 煲湯,但未咳得太嚴重,昨晚食了辣椒咳多了,今天 (嘻,一點半才起床) 冇乜咳,睇下康復情況再作打算。

Coffee 說...

佛爺︰

而家啲遊學早就放眼世界了,我笑謔佢哋去學整泡菜咯。科技遊學,可能有參觀韓國三星公司掛。

Armadillo 說...

信用卡呢家嘢,最煩係每年要打一次電話去銀行要求豁免年費。根本次次都批架啦,都唔知銀行點解唔肯自動自覺去做!至於找卡數就一啲煩惱都冇,因為我係自動轉帳找晒。如果戶口唔夠錢,我係唔會簽卡嘅!另祝早沾勿藥!

Coffee 說...

Arm︰`

我唔想做信用卡自動轉帳,女人買嘢很多時是感覺SHOPPING,不是睇需要,所以我就嚟CUT剩一張就算了。

Coffee 說...

Arm︰

謝謝你!抗拒食藥的我基本上好了:)

Related Posts Plugin for WordPress, Blogger...