2012年1月5日星期四

空間太小

那天將 Galaxy Note 接去屋企 WiFi 後,上 YouTube 試機的速度及流暢度。一登上見哩條片排在頭位,即按播放。不諱言,正如標題所示︰對話勁爆笑!

但笑過後,想下,人逼人,這是每天發生在擠逼的公共交通工具上的事。近日天氣轉凍,個個穿上厚厚的冬衣,坐在地鐡的坐位上,真的覺得很「迫」。我自認為是自覺一族,盡量收攏雙臂,不要與隔離乘客「迫」實晒手臂位。但總會有啲人不知有心定無意,雙臂好像練過武功一樣紥實,如霸地盤咁雙臂槓起拎住份報紙睇,害得正常收攏雙臂坐在座位上,都是有種被「迫」住的感覺。通常如果遇到哩種情況,我會選擇坐出少少,總之不能與陌生人如此「親近」。至於身體下半部,更不能被貼近坐,遇上大大咧咧的乘客(我當對方係啦),不自覺挨近過來了,一定會明示讓對方知︰你坐得超晒界喇喎!通常都有收效嘅,除非嗰個人係瞓著的。

哦,夜了,講住咁多先啦,自己睇片。




 

12 則留言:

卡臣 說...

條片中的嬸嬸,真係俾佢吹脹!

Coffee 說...

俾佢激死啦!

韻味熊貓 說...

咁既「美人」,都有男人搏矇,真係難得!

Coffee 說...

西鐡嬸沒處理好!不是搏矇,是日日迫慣晒而冇所謂了。
我常常被女乘客挨住掂住,她們一定覺得冇所謂,但我唔係咯,周身唔自在,一定會移動到令對方知我不喜歡這樣挨住。

陽光的戀人 說...

原來是這位西鐵嬸. 本來是雞毛蒜皮的小事, 無聊搞大件事, 其實是在公眾面前出醜. 這可能跟個人的性格或體質有關, 有些人體質過份敏感又事事斤斤計較, 便會不自覺做出強烈反應, 當然跟個人修養也有關. 遇着這樣的人,別跟他糾纏下去,忍耐一下不理會他或索性避開是上策.

Ebenezer 說...

我好憎d人坐地鐵伸長對腳到車箱中心嘅位置,咁好挑逗我....好想去一腳踩斷佢!

Coffee 說...

阿路︰
咪係!阿嬸嬸好多說話已冇晒point,一味發脾氣!

Coffee 說...

Eben︰
唔特登踩,但難免被車廂搖到一腳踏過去。

S 說...

其實西鐵已經唔算迫啦!佢攪到其他人唔敢坐,浪費咗個位!

Armadillo 說...

其實我都好怕同陌生人有身體接觸,因為隨時會俾人屈非禮。所以我搭親港鐵都會使出縮骨功,將自己縮到一張紙咁薄架!

Coffee 說...

SKII︰
阿嬸嬸明顯過火了!

Coffee 說...

Arm︰
我就要去到好 friend 嗰啲,可以搭膊頭。

片中嗰個男人好無奈,一肚子氣!地鐡人多迫慣了,唔好話有啲男人冇所謂,我見有女人都麻木了。

Related Posts Plugin for WordPress, Blogger...