2012年1月30日星期一

暖浴寶

冬天最難頂的二件事,一係朝早起床,屋內沒有暖氣設備,要由暖笠笠的被斗捐出來,由溫暖走入寒冷,嗰刻真係好難頂,仍未慣,未解決。二係沐浴梳洗,我一般怕凍,但冬天沖涼嗰種凍就真係凍到面容扭曲,全身抽搐般,仲要光著身子搽潤膚露。所以冬天更大條道理絕對素顏,只搽護膚品上臉便算數,見得人見不得人都唔理了,為的是晚上省下一回卸妝油潔面的步驟,凍少啲。

不過最近可算真正解決了冬天洗澡冷的問題。新年期間在大陸見到掛在浴室用的暖浴寶,沖涼時啪著它,很快浴室便和暖起來,沖涼時不覺得凍了。上年我在香港買了暖風機,但暖風機的設計不是在浴室使用的,只不過沒有其他辦法,所以照攞去浴室用。而這暖浴寶是專門為浴室而設計的,見價錢唔貴,安裝又極易,便買了二個回來。

很好用,如果家中一樣有人沖涼怕凍怕到傻咗嘅,不妨去買個回來。開著時浴室好暖,連帶水呀煤氣呀,都可以慳番啲,好像之前,太凍,我唔捨得關水喉,總是淋完又再淋,淋極嗰身都似未暖咁,所以一定用多水多煤氣。但淋得太耐太熱又唔得喎,因為如果沖走晒身體皮膚啲保護油,搽多多潤膚膏都保不住瞓到半夜便周身痕了。如今好了,開著個暖浴寶,浴室的溫度暖暖的,沖涼再唔使凍到心都縮痛了,搽潤膚露可搽得仔細啲。對,還有早上起床後,衝入浴室第一時間便是開著個暖浴寶,舒適很多。

(應 SKII 的要求,影了相貼上來,本來我想偷懶,嘿嘿 :P  這暖浴寶樣子像盞燈,不漂亮,但這唔緊要,不用三百元人民幣,W數不高,才 500 W,而我那暖風機是 2000 W 的。)


 

22 則留言:

SKII 說...

可唔可以影幅相來睇吓呢?

laulong 說...

哎吔,較舊式屋苑厠所冇插頭呀 :(

卡臣 說...

好彩就快回䁔

!? 說...

冬天開暖風機沖涼真係好好多
沖完涼搽D凍冰冰嘅Cream真係另一懲罰

Coffee 說...

SKII︰

貼了,偷唔到懶添:)

Coffee 說...

校長︰

我家浴室雖有插座,但不啱用的,所以我暫時都係用拖板拉入浴室,至於掛,則靈活很多,唔想釘牆的,可以用鐡線掛起便可,算輕。

BTW,你有興趣?

Coffee 說...

卡臣︰

你應唔怕,係女人受不了沖涼嗰種凍。

Coffee 說...

Sera︰

有暖風機都好好多,你講得冇錯,我甚至覺得係刑罰。

Ebenezer 說...

開著呢兩支車頭燈沖涼,會唔會太光太燦眼呢?

Coffee 說...

你望住佢做咩啫,又唔係女人對咪咪,唓!

佛爺 說...

好似係治療的紅光燈咁!唔似暖爐。

Coffee 說...

佛爺,佢對住我個背,暖暖嘅。

五珍 (Jan Ng) 說...

我都怕凍,啱我。
會唔會好似暖爐咁,吹到個人好乾?
有幾大份?

匿名 說...

請問係邊度買啊?謝謝!

anna

Coffee 說...

就係因為唔似暖風機我才買,唔乾架,都唔算大份,唔重,可輕易掛係毛巾架上(我而家咁) :P

Coffee 說...

anna︰

我在廣州買的,不過出產地係︰

廣東惠州市仲恺高新區和暢六路東 39 號 B1-B3廠房 ( TCL-羅格朗國際電工 惠州 )
電話︰0752-2529999

laulong 說...

就黎暖喇,等多一季再算咯 :p

攞你命三千 說...

其實係屋企做三幾個字簡單的運動都可以暖身的
係廁所玩射燈浮誇左d喎

Coffee 說...

校長︰

係嘅,不過對我嚟講仲係凍:p

Coffee 說...

三千︰

女人在浴室的時間長好多,剩係洗面 (深層清潔),搽面都唔少嘢,仲未計洗頭沖涼呢,仲有搽body cream 呢,冷冰冰真係好似受刑咁架!

Armadillo 說...

睇佢個設計,應該要喺近距離使用,驚唔驚濕咗水會漏電呀?

Coffee 說...

Arm︰

唔係近距離使用架,甚至可裝上最高位置,而我浴室有玻璃屏擋住水,所以我剩係掛在高過我一個半頭的位置,完全冇水飛到。

Related Posts Plugin for WordPress, Blogger...