2012年1月4日星期三

惡人

而家啲人真係好惡!

擺攤檔的叫二細路不要掂到佢啲精品,可能是大聲咗少少吧,我冇聽見,但我見到二細路的父親以氣吞山河之勢追擊精品攤檔主,聲大夾惡兼好多單字粗口︰

「而家點先,有冇搞到你啲嘢呀!乜 X 嘢咁 X 巴閉呀!有冇爛到,爛咗我咪賠 X 番比你咯!你喝咩呀!X你呀!使唔使咁爛口鬧細路呀!」

攤檔主︰
「我冇講過粗口喎,我只不過係最低要求叫唔好搞到公司啲貨咋喎!」

惡父︰
「你嗰啲叫做叫,你大聲喝二個細路!X 七 你呀!我而家 X 七你當同你傾謁,我大大聲 X 七你即係同你傾謁!報警吖,叫差人嚟處理,睇下邊七個唔 X 著數,睇下你仲做唔做到生意!. . . 」

以上是忠於原文的節錄,後尾有幾句太粗口的已被省下。沒有駐足圍觀,所以事情後來發展成如何,我並不清楚。期間二細路站在一旁,睜大雙眼望著父親以歪理以粗口氣勢磅礡地圍剿攤檔主。

14 則留言:

攞你命三千 說...

唉,咁燥底何必

btw,除左個x,後面個個數字都係粗口字黎

卡臣 說...

成個社會都是如此

S 說...

好誇呀!

best actor 說...

講道理原來早已不合時宜﹐萬事靠惡成為了保護色。

Coffee 說...

三千︰
我知連埋一起講就係粗口。

Coffee 說...

卡臣︰
親身向佢二個細路示範如何兇人!

Coffee 說...

SKII︰
我經過時心諗的是使唔使呀!

Coffee 說...

best actor︰
你講得很對,演變成邊個大聲邊個夠惡,就可以上綱上線。

Ebenezer 說...

有壓力,未解決!

Coffee 說...

隨時隨地都壓力爆煲!

陽光的戀人 說...

剛好給你看到而已, 香港惡人不少的, 新聞都報導過, 有惡人只因被別人望他一眼, 便不問情由揮拳相向. 尤其夏天人容易燥火, 更要小心. 想不到天氣這麼冷, 有人火氣仍這麼大.

Coffee 說...

近日youtube嗰西鐡嬸咪話個男人非禮佢嘅菠蘿蓋,然後一拳打嗰個男人咯。

Armadillo 說...

呢啲就係時下家長嘅身教嘞,你話啲細路點會唔有樣學樣呢?!

Coffee 說...

就係咯!耳濡目染下,學到郁啲就破口大罵。

Related Posts Plugin for WordPress, Blogger...