雪終於要九點多才回到港，有人接了她們幾個「美燦」入西貢食甜品。(「美燦」是雪幾人那晚在港某稻香食晚飯時，因未搞清楚餐牌而自嘲的，愛自嘲這一點，是我們其中一共通點。:p)
我於是去上畫班。今晚老師對我好客氣，我不斷在想，可能我上一堂的表現小氣咗，才會如此。上一堂，老師要我們即席揮毫，題材自選，中間有些事出突然，加上我又唔知點解wing下wing下，個腦一片空白，畫唔到！索性唔畫，同學們好好人，俾好多提示我，但我就係唔畫！我話我依剛才講好的，畫唔到的拿$20出來入飲食基金。跟住連老師都開聲叫我畫，當然無功而回啦。到抽老師送出來的即席畫作時，我說不用寫我名，因我沒畫畫，所以唔抽。但老師說照抽，話老師說了算。我，堅持不抽！然後，本來話即席揮毫完結，就拉大隊去食嘢，我好不合作地說不去了，跟住走人。我對金牛座的人越來越了解喇！
聽說那晚最後沒有去食嘢！本來諗住今晚陪雪，借機唔返畫班的。所以上到畫班時，我已有點兒心虛(反省中，內疚中)，點知老師成晚無窒過我一句！因之前老師有些欺負我反應不夠快的，常鬧我，我麻，笑笑口說︰我真係功德無量！替眾人受了！有同學這時會講，老師錫妳先鬧妳乍，都唔知袋咗幾多$$$入妳袋。我於是繼續︰罪過！罪過！無功不受祿！還請各人領去罷！然後大家笑ing...
但今晚，老師讚了我很多次，咩事呢！「隻雀仔全部妳自己畫架？我一筆都無幫過妳呀？」然後竟然有同學附和。唉！老師，我下堂都係衰衰地駁下你嘴，等你有機會話下我啦！
沒有留言:
發佈留言