2010年5月12日星期三

11~5~10

深圳對我來說,應該不算陌生。但因我是方向、地點的白痴,昨晚和友人互找,用多了很多時間,累人累己走了很多冤枉路。:p

一下火車,開另一手機,見閃出3,我差點沒暈低!失魂羽,無換內地sim咭呀!只好站在月台用還有的香港信號打給雪(重撥,方便),仍在廣州往深圳途中的雪哈哈大笑之餘,給了我健的電話號碼。我即打俾健,健說在羅湖區某酒樓訂了位,很近香格里拉,問我識唔識?嘿,心諗,呢度我識!因為以前試過多次,啲朋友在香格里拉門口接我。健叫我行去香格里拉,再沿住甚麼甚麼行一、二分鐘左右,然後企在巴士站等佢過來接我。點知就係這一、二分鐘路出事!我由香格里拉起行咗相反的方向咯!在錯的巴士站等咗二十分鐘有多,不見友人,開始忐忑,然後方發現剛才的另一手機是入了大陸sim咭的!「中國移動」四字清楚可見!健說︰妳係邊呀?我行到來香格里拉都見唔到妳!...

雪一行終於九點才到!中間又有故事,怪我某年某月某日放了人飛機咯(中間包括有雪!:p),死仔呀!我解釋過N咁多次都無用嘅!今時今日仲記住!哈!

昨晚當然很開心!不詳述了,最後和雪回到香港已近一點!到我回家弄妥,二點才能上床睡。雪第二日會去澳門,我逼她一定要趕回來同我食晚飯!因再第日,雪要回美國了。

這是雪。

From 雪,謝謝!

2 則留言:

卡臣 說...

我返深圳都有少少驚
驚俾人搵笨

Coffee n Tea 說...

識人未好啲咯,否則真係要小心唔好惹事。

Related Posts Plugin for WordPress, Blogger...