女為己容

上星期六做的負離子直髮，在自己洗頭後發現髮尾需修補，約左Billy今日6-8pm，所以一放工即急急腳幾乎小跑住走人。

Billy看過我的頭髮，稱髮尾有些傷了，為求效果好，Billy竟然由頭到尾全套做過，包括先做焗油，再加埋髮膜，剩係沒有在頭髮的上半部分落定型水，其他步驟無一欠缺，最後剪髮都剪咗半粒鐘，即使太太已久候他放工，我由鏡子看得到Billy仍是那麼細心認真，反而我的心在焦急，畫班呀！因為這次修補是不收費的，見Billy咁用心，我在心盤算著陣間俾幾多貼士。點知我走時，髮型屋只剩Billy和來等Billy收工的Billy太太，照計無外人在，唔多覺的，但Billy很誠懇堅拒貼士，堅拒！

在這之前，我會轉下髮型師的，Billy雖然有時很久很久才見我一次，但亦從不過問我還在那兒弄頭髮。這下好了，我這個容易被感動的女人，那一刻決定，以後會徹底將自己的頭髮交給佢打理架啦！

不過由預算8pm完成的，要到9:15pm才由髮型屋離開，而剛才已有畫班同學至電追魂，我聽見電話那端傳出老師在旁詢問的聲音。再次小跑，到畫室時9:30pm，有同學在執拾準備回家了，我唯有搜索有限的好說話，亂說一通，但不敢說︰其實我去修整頭髮，無預好時間。