2015年3月4日星期三

莫得罪阿婆

很喜歡現在工作的這區,除了不喜歡有個阿婆好惡,鬧我。

過年前的事,當日穿一對新鞋太大,想著去街頭檔口買對厚襪急救。十八元一對,我沒有概念貴或不貴,只是街頭檔口,習慣上講下價,問可唔可以便宜些呀(要知這是街頭購物的一種樂趣)。怎知阿婆一聽好嬲,說已經好平啦,之前二十五一對,而家十八一對仲講價(下刪好多好多句)。我又點知之前二十五或十五一對啫,只係隨口一問罷了。起初我依然有好面容聽阿婆高聲嘮叨,想到人年紀大自然脾氣也大,由她講她的我揀我的。但阿婆竟然說不停口,旁人有了側目望過來的,這時再難當無事。我收起笑容,輕聲說到,我只係問了你一句有冇得平,你話無得平咪得咯,點解講唔停,好似鬧人一樣,叫人點幫襯你哩!說完這些便再無心情買了,將已挑選好的幾對同時放下,然後轉身離開。阿婆見不買更火了,在我身後鬧︰十八蚊一對仲講價,之前賣二十五蚊架,無錢就唔好學人買嘢啦!窮……


嘩!!!九秒九逃離現場!

4 則留言:

DeepC 說...

現代人做小生意, pressure大, 尤其是在香港.

這些不快事, 快點忘掉, 要善待自己!

Coffee 說...

DeepC︰

嘻嘻,我沒事,全沒往心裡去:)

奕山 說...

日積月累的怨氣一發不可收拾,真係要正面學習呢啲反面教才,多多學習吸收吓生活正能量。

Coffee 說...

奕山︰

正面學習反面教材,非常正面的做人態度!讚!

Related Posts Plugin for WordPress, Blogger...