2013年12月23日星期一

買自己喜歡的

之前去煤氣公司門市看煮食爐,我偏向新款玻璃面的,較美觀又易清潔,但女職說玻璃面的爐火力較弱,以數據比較是,傳統爐6.3,玻璃面的是5-5.3,得知如此便選回傳統款式。

之後女職以不著意實為強推的手法,向我推介兩爐頭中間內置了一個小爐的款式,此內置小爐配置了一個可拉出的金屬長方型器皿,可用作煮飯或蒸、翻熱餸菜等等。我一看即說咁細,起不了作用,家中有電飯煲,不會用來煮飯,而且所謂煲膽即嗰個金屬器皿都不知可否用來煮飯(呢句放在心裡);至於蒸或翻熱,不能用煤氣公司配給的迷你長方膠碟(點會用膠料蒸食物),於是要去買一個就算不迷你都絕對不是家庭用的小小長方型薄身不鏽鋼碟(去邊度搵)。以目測,即使家中現有最細那隻圓型不鏽鋼碟都難以放下,所以心想是極失敗的設計。女職說就算你覺得它用處不大,但而家做緊大優惠(下省幾百字)。

看完一輪後,我都是維持原意買自己喜歡的,決定選最新一代傳統款。想不到女職依然不捨不棄,驚訝地說,你點解唔揀呢款呀,中間多個爐,就算你唔用又唔影響你,最緊要係做緊優惠,比你話要的那款平三百蚊喎,兩款爐係完全一樣,除咗中間多了一個內置爐。

老實講,我真心覺得女職是在向我推銷賣不出的貨尾,兩個一模一樣的煮食爐,多個內置爐的反而平近三百元,而我至今都堅信世界上的商人都是以利益為前提的。作為一個好的職員,當然是應該以公司利益為己任,向客人推介產品,但太強銷一款已被客人看到設計上的不足(可以說係失敗的設計),是會惹人反感的。女職說中間內置爐不用也不影響整個爐的運作,錯喇,起碼影響外觀,影響可一氣呵成的清潔爐具表面,中間拉出器皿的四方框位,正是藏污納垢的地方。一個爐閒閒地用十幾年,如果便宜了三百元能化解它對你嘅篤眼篤鼻,你才好買。

最後我都是堅持買了自己喜歡的。

8 則留言:

DeepC 說...

精明選擇!

Coffee 說...

DeepC︰

我都覺!

佛爺 說...

唔喺咁睇法,因商戶大量入了某型號的貨,來貨價會低過較低檔的型號,他們就可以平價促銷。

Coffee 說...

佛爺︰

你說的是其中一種經營手法,但不適用於那款內置爐,它沒有令整體檔次高了,是很多餘。

順祝聖誕快樂!

S 說...

哈哈,我都唔鐘意“三頭”果啲,根本唔實用,尤其是小家庭,雙頭夠用啦! ^_^

Coffee 說...

SKII︰

三頭在面都好啲,第三個內置咗入爐入邊,可放入去蒸或翻熱的食物要好少量好少量才得。如果人少食物少量,咁有面兩個爐都足夠了,而家庭人多食物又不可能少量。

我估當初原意係設計給那些用內置爐嚟煮飯的,尤其租客,一爐多用,無需再添置電飯煲掛。

S 說...

I see, 咁就更加冇用了!

Coffee 說...

SKII︰

所以有點反感嗰個職員不斷推介呢款給我。

Related Posts Plugin for WordPress, Blogger...