2013年8月20日星期二

學北方人泡腳

北方人好注重泡腳,即係用熱水浸腳,好處在除了可以消除雙腳疲累,還可以舒筋活血、強身健體,澡可以不日日洗,但腳就要日日泡,如是說。北方人是否真的人人日日泡腳就唔知喇,但相信一定係極重視的,看內地小說常見到有此說。例如正在看韓寒的《三重門》,都有提到雨翔入讀寄宿高中時,不慎將自己的腳盆失手跌落樓下,而雨翔還不算北方人哩,是上海人。

去山東旅行在寶樹堂買寶膚靈時,對方送了十包泡腳用的中草藥粉。近日M期完,雙腳尤見攰,剛才想下想下便決定取一包嚟浸下腳,然後發現家中沒有水桶,一個洗衫用的盆子又不夠大。突然記起有個拖地嘅桶(不要笑,乾淨的),此桶一直沒用過,因為我不用拖把拖地,向來用抹布蹲下去抹。於是喺浴室櫃搵出那個桶,洗淨,開了熱水爐加入熱水,然後倒一包藥粉入去,邊繼續在電腦看韓寒的長篇《三重門》,邊開始浸腳。唔記得寶樹堂的醫師話要浸幾耐,我就浸了差不多半小時,即感覺水開始剩下餘溫時。

點解浸腳哩件老土的事都拎嚟講?因為浸完即刻覺得雙腳鬆了很多,好正!所以要分享。


10 則留言:

Ebenezer 說...

有冇想過,再去按埋腳呢?

Coffee 說...

Eben︰

一年中會有一、兩次喺深圳腳底按摩,朋友帶去在福田區,那間經營厚道,師傅手藝不錯。

CC 說...

我姐俾左包浸腳粉我, 但後來我又係發現屋企無桶可用來浸腳!

Coffee 說...

CC︰

我諗一般香港人屋企無桶的多。

卡臣 說...

腳好多神經線,啱噹

Coffee 說...

卡臣︰

所謂樹要先護根,人要先護腳。

DeepC 說...

浸腳好, 有助血液循環;
洗腳多些都可減少腳部問題.


LIT 說...

一定好C服~~

Coffee 說...

DeepC:

相信係,南方濕氣重,浸腳應該好,只不過大家都懶!

Coffee 說...

靚靚:

唔怕煩的話,浸下,舒服架!

Related Posts Plugin for WordPress, Blogger...