2010年8月30日星期一

自家面膜

近二個月都沒有往MB跑了,facial是沒有做了,但簡單的面部護理還是有的,其中深層清潔及敷面膜是我較注重的。之前一直都是敷紙面膜,效果呢,是好過冇咯!


近日,我開始敷自然素材的面膜,即係西瓜皮啦、香蕉啦、蘋果啦、奇異果啦、青瓜啦、蕃茄啦、蛋白啦、蜜糖啦、麥皮啦、牛奶啦、意米啦、粟米啦、米啦...等等數之不盡的食材,都可以是我用來敷面的寶貝。不用太刻意,因為每日都要進食,從中取些來用即可。做法亦簡單,將材料用攪拌機打成泥狀,如偏濕的,加些麥皮或其他粉狀材料,打好放入雪櫃雪凍便可敷上面。


我用食材自製面膜的日子尚短,仍未夠火候同大家分享效果,但起碼用得安心,如假包換的無添加。況且去美容院,她們亦不外乎是硬銷自己用了乜乜物物的天然產品,例如我在MB做開的便有蜜糖呀、蘆薈呀、紅酒呀...等等,有幾天然?自己呃下自己都得嘅。不過在美容院是可瞓在牀上休息,由美容姐姐替自己做,但那種休息是該大打折扣的,因為她們會不斷打你銀包的主意,總想你不斷購買她們公司的不同產品,煩都煩死了!更別說休息。但我久不久仍是會上美容院的,因為美容院用的儀器清潔、儀器導入精華、儀器乜乜...是自家無法做到的。


今晚我敷的是西瓜皮(去掉青皮),加上意米(煲過的),今次有些失手,略為稀咗!
 
 

8 則留言:

Hana 說...

你個樣好後生呀!

笑談風月 說...

BlogDay快樂!推薦了貴Blog,按規矩知會,謝謝多時美文共享!
阿貓上

竟然自貼做面膜玉照,勁!年輕漂亮不怕show給人看。

Coffee 說...

Hana︰

見笑見笑了!靜靜話你知,啲斑啲紋俾面膜泥遮遮掩掩住。:P

Coffee 說...

風月貓貓︰

真開心呀!得你如此推介,嗨,我這小女人真是受寵若驚了!

至於所謂的「玉照」,事緣我敷面時,言抓住部機影我,還邊說︰鬼呀!鬼呀!問我敢唔敢貼出?我咪說︰貼又如何!不過我要自己影。:P 就係咁咯。

l.minor 說...

紅酒也可敷面?酒清會不會對皮膚不好?

Coffee 說...

minor︰

紅酒facial最大的作用是幫助皮膚抗氧化,不過份量很有限,遠遠未去到傷害的程度。

S 說...

看了你的自拍照,我也要試試...
我去年才開始上美容院(因為以前懶,但終於發現唔可以再“拖”),但我集中做“機”,因為啲“機”冇可能買反屋企,心理上覺得抵啲!

Coffee 說...

SKII︰

影呀!幾好玩架!等待中...

我會選某樣聽落天然的護膚產品,然後用機做落面度。在家就勤力些敷面膜,因為敷面膜真係唔懶得。

Related Posts Plugin for WordPress, Blogger...