咖啡.小家子氣

晚11:30，咖啡致電俾M~

咖啡︰喂，M~呀？睡未呀？
M~︰  嗯，未呀(聲音低沉)。

(咖啡對M~的反映覺得有點奇怪，少有咁唔熱情架！)
 
咖啡︰我聽朝九點可能未得，九點三喇。
M~︰ 唔.咩嘢呀？
咖啡︰我聽早九點三才join到妳哋呀！
M~︰ 哈，咩嘢呀？(聲音明朗了)

(咖啡的心停了下)

咖啡︰妳係M~？
對方︰我係Y~M~呀！

原來咖啡打錯電話俾另一人，囧！

再打俾M~，呢次火眼金睛睇清楚係M~。

M~︰點~呀~？(果然係M~)
咖啡︰聽日我九點三才到，仲有，咩衣著才可入賭場架？
M~︰小姐，妳幾耐無去過澳門喇？咩都得，拖鞋又得，短褲又得。
咖啡︰哦，係呀！我有十年無去咯。
M~︰大鄉里！哈哈...

咖啡無佢咁好氣！

咖啡︰咁貴嘅房，係咪包埋早餐架，間酒店早餐肯定好正？
M~︰妳就想，我哋已經係最平價訂房架喇，無早餐架！
咖啡︰千幾元就最平，我覺得好貴喎！
M~︰Share咗就唔貴架喇！
咖啡︰咁妳表哥係度做GM，我咪諗住會送早餐咯！
M~︰宜家我哋係用標準房的價錢，Upgrade咗去行政套房喎，妳仲想點呀？
咖啡︰嘿嘿，得一想二係人嘅天性。
M~︰無妳咁好氣！
......
PS︰明天由M做領隊，我們幾個過大海！M很喜博彩，常有斬獲，我不好賭，但好食，所以看來這個長假會將我已減掉的二、三磅，又追回來！