2013年11月2日星期六

說好的童年呢之小童補習

朋友以時薪三、四百元為小一女兒請了個上門英文補習老師,主要是做下英文練習,包括全過程都是以英文交流。朋友說原本不打算在女兒小一就請家教的,如果女兒搞得掂,情願女兒有多些時間用來玩,不是期望女兒讀得很優秀,只要中中等等就可以了,但見女兒最怕就是英文科,友說怕萬一基礎打不好,以後就難追上同學仔了,不是要贏在起跑線,而是不要一開始就輸了。

我︰這可以理解,但三、四百一小時太貴了罷,就算請都可以請個價錢沒這麼貴的嘛。

友︰出面我有了解過價錢,大多數由六十幾元至一百多元一小時,但這個補習老師是同學仔媽咪介紹的,她的兒子有補,說補得很好,所以我想著試下看。阿女平時都識計下咩用了幾多錢,我咪同阿女講囉,俾心機補呀,三百幾蚊一個鐘架。其實三、四百一小時我都覺得好貴,但另有個同學仔請了個一個鐘五百多元的,一比較之下,我又舒服啲,覺得自己三百幾一個鐘都不是太貴了。

我︰阿女有無抗議呀?少了時間玩。

友︰有呀!所以我咪同阿女講,自己搞得掂,以後就不用補習,剩下來的時間可以看電視呀,自己玩呀,希望阿女因為想多點時間玩,之後自己搞得掂讀書,我都唔想佢用晒全部時間嚟讀書,無得玩,好似無咗個童年一樣。

唉,小一就開始補習,這有可能是一條不歸路,何日才到讀大學啊!我想一想都覺得難以招架。

 

6 則留言:

DeepC 說...

如果是被迫補習, 效果可能較難理想.

Ed Kwok 說...

應該中學才開始,小一應該參加興趣班

Ebenezer 說...

妳話做補習幾好賺呢!

Coffee 說...

DeepC︰

講真,幼稚園或小學生有邊個會主動或願意補習。

Coffee 說...

Ed︰

你講得啱,但聽聞而家好多家庭,由幼稚園起便請補習老師或送去補習社,提前操中英數練習。

Coffee 說...

Eben︰

有心機教跟得足的都還好,該佢賺了,但好多係dum夠時間便算數。

Related Posts Plugin for WordPress, Blogger...